ලන්ඩනයේ පැවති ජාත්‍යන්තර ක්‍රිකට් කවුන්සිලයේ වාර්ෂික විධායක කමිටු රැස්වීමේ දී 2023 තෙක් අයිසීසී ය විසින් මෙහෙයවන්නට යෙදෙන ජාත්‍යන්තර ක්‍රිකට් තරගාවලි සදසහා සත්කාරත්වය පිරිනැමීමට සුදුසු කිනම් රටවල් ද යන්න තීරණය වූ අතර එහිදී එම කාල වකවානුවේ පැවත්වෙන ජාත්‍යන්තර ඉසව්වක සහය සත්කාරකත්වයක් සදහා ලංකාවට අවස්ථාව ලැබී නැත.1996 වසරේ ලෝක කුසලාන තරගාවලියේ සම සත්කාරකත්වය මෙන්ම 2011 වසරේ ලෝක කුසලානයේ සම සත්කාරකත්වය ද දැරූ ශ්‍රී ලංකාව නිමා වූ 20/20 තරගාවලියේ තනි සත්කාරකත්වය දැරීය.මෙසේ සත්කාරකත්වයන් පිරිනැමීමේදී ඉන්දියාවට විශල අවස්ථාවක් නිර්මාණය වී ඇති ඔවුන්ට එම කාලය තුළ දී ලෝක කුසලාන සීමිත පන්දු වාර තරගාවලියක්,20 / 20 තරගාවලියක් මෙන්ම අයිසීසී ය මෙම විධායක සභාවේදී ගිවිස ගත් පරිදි පවත් වන්නට නියිමිත අයිසීසි ටෙස්ට් තරගාවලියක් සදහා ද සත්කාරකත්වය ද ඹවුන්ට හිමි වී ඇත.මේ අතර බංගලාදේශයද සත්කාරකත්වය පිරිනැමීම සදහා සළකා බලමින් සිටින අතර බංගලාදේශ ක්‍රීඩා පිටි තණතීරු සළකා බැලීමෙන් අනතුරුව තත්ත්වය යහපත් නම් 2014, 20/20 තරගාවලිය සංවිධානය බංගලාදේශය ට හිමි වනු ඇත.
මෙම විධායක සභාවට ලංකාව නියෝජනය කරමින් ක්‍රිකට් ආයතන සභාපති ජයන්ත ධර්මදාස ද,ලෙක්ම් නිශාන්ත රණතුංග ද සහභාගි වීය.
www.supirikrida.com
No comments:
Post a Comment