සිය සත්කාරකත්වයේ වෙහෙසේ අග්‍රපලය නෙලා ගනිමින් තායිලන්තය මෙවර ආසියානු කාන්තා වොලිබෝල් සූරියන් වන්නට සමත් වුණා.තරගාවලිය අරඹමින් සිය ප්‍රථම තරගයේදීම කසකස්තානය අතින් පරාජයට පත් වූ තායිලන්ත ක්‍රීඩිකාවෝ අළු ගසා නැගිට විත් ඉන් අනතුරුව දිගින් දිගටම ජය පැන් වල රස බලන්නට සමත් වූහ.අවසාන පූර්ව තරගයේදි ඒ දක්වා ආසියානු සූරියන්ව සිටි චීනයට පරාජය කැද වූ තායිලන්තය අවසාන තරගයේදී තව දුරටත් ජපානයට සිය අනු සූරතාවයේම රැදී සිටින්නට මාවත සකස් කරමින් වට 3 - 0 ක ජයක් ලබන්නට සමත් විය.මේ සටහන සමග වන ඡායාරූපයේ සිටින තායිලන්තයේ විලාවන් අපින්වයාපොන්ග් 2011 වසරේදී මෙම සූරතාවලියේදී වටිනාම ක්‍රීඩිකාව ලෙස ලත් ඇගයීම තව දුරටත් රැක ගනිමින් මේ වසරේද වටිනාම ක්‍රීඩිකාව වන්නට සමත් වූවාය.මේ අතර චීනය තායිලන්තයෙන් ලද පරාජයෙන් නොනැවතී තෙවන ස්ථානය සදහා වූ තරගයෙන්ද වට 2 - 3 ක් ලෙස පරාජය ලැබූ අතර ඒ අනුව මෙවර තරගාවලියේ තෙවන ස්ථානය දකුණු කොරියාවට හිමි වූවා.
මෙම තරගාවලි ජයග්‍රහණය හරහා තායිලන්තය ලෝක කාන්තා වොලිබෝල් සූරතාවලියට මෙන්ම 2014 පැවත්වීමට නියමිත ලෝක කාන්තා සූරතාවලි ග්‍රොන්ප්‍රී තරගාවලියට ද සුදුසුකම් ලැබීය.දකුණු ආසියාවෙන් මෙම තරගාවලියට සුදුසුකම් ලැබූ කණ්ඩායම් 16 අතරට ඉන්දියාව සහ ශ්‍රී ලංකාව එක් ව තිබූ අතර ඒ අතරින් ඉන්දියාව 11 වන ස්ථානය ද ලංකාව 15 වන ස්ථානය ද හිමි කර ගන්නට සමත් වුණා.
www.supirikrida.com
No comments:
Post a Comment