සයිබර් අවකාශයේ ක්‍රීඩාවේ හෙළ වදන
 |
| Ice Skating, |
නුගේගොඩ ශාන්ත ජෝන් විද්‍යාලීය ක්‍රිකට් කණ්ඩායමට අනුග්‍රහය දැක්වීම සදහා එම විද්‍යාලීය ඕසට්‍රේලියානු ආදි ශිෂ්‍ය සංගමය ඉදිරිපත් වී සිටිනවා.ඒ අනුව එහි ප්‍රධානි බර්ටි එක්නායක ගේ ප්‍රදානත්වයෙන් රැස් වූ ඕසට්‍රේලියානු ශාන්ත ජෝන් ආදි ශිෂ්‍ය සංගමය මෙවර එම විද්‍යාලීය අවුරුදු 19 න් පහළ කණ්ඩායමට අනුග්‍රාහකත්වය ලැබීමට ඉදිරිපත් වී සිටිනවා.
ප්‍රංශ සවාරිය සත් වරක් ජය ගනිමින් ලෝක ප්‍රකට වූ සුපිරි පාපැදි සූර ලාන්ස් ආම්ස්ට්‍රෝන්ග් සමග පවතින ගිවිසුම් වලින් ඈත් වීමට සුප්‍රකට ක්‍රීඩා උපකරණ සහ ඇගළුම් නිෂ්පාදන සමාගමක් වන Nike ආයතනය තීරණය කර ඇත.ප්‍රංශ පාපැදි සවාරිය තහනම් උත්තේජන මගින් ජය ගත් බවට එල්ල වී ඇති චෝදනා සහ සාක්ෂි නිසා ඔහුට එම ජයග්‍රහණ අහිමි කිරිමට කටයුතු කරමින් සිටින අතර මේ දිනවල සිය නිර්දෝෂිභාවය සනාත කිරීම සදහා ඔහු ජාත්‍යන්තර ක්‍රීඩා බේරුම්කාර මණ්ඩලය වෙත කරුනු ඉදිරිපත් කරමින් සිටියි.
ශ්‍රී ලංකා ක්‍රිකට් වෙතින් නිරන්තර ආශිර්වාද හිමි ජෙහාන් මුබාරක් ට යළිත් ජාතික කණ්ඩායමක නායකත්වයක් පිරිනමන්නට තේරීම් කමිටුව කටයුතු කර ඇත.ඒ අනුව ඔහු ට මෙවර හිමි වන්නේ හොංකොං සය සාමාජික තරගාවලියට සහභාගි වන ශ්‍රී ලංකා කණ්ඩායමේ නායකත්වය ය.විශේෂත්වය වන්නේ 20 - 20 තරග සදහා ද අලුත් කණ්ඩායමක් පිළිබදව සිතිය යුතු බවට තේරීම් කමිටු සභාපතිවරයා ප්‍රකාශ කර දින කිහිපයකින් සය සාමාජික කණ්ඩායමක නායකත්වයට ජෙහාන් මුබාරක් නම් කිරීමය. |
| තරග අනුග්‍රාහක චෙක්පත පිරිනැමීම |
 |
| LI-NING දොරට වැඩුම |
බැඩ්මින්ටන් විනිසුරුවරියකගේ නම ජාත්‍යන්තර විශ්ව විද්‍යාල බැඩ්මින්ටන් තරගාවලියකට යෝජනා කරමින් විශ්ව විද්‍යාලයක ක්‍රීඩා ප්‍රධානියෙකුගේ විද්‍යුත් තැපෑල ( e-mail ) යොදා ගනිමින් ඔහු නොදැනුවත්ව ජාත්‍යන්තර සංවිධානයකට ලිපියක් යැවීම දණ්ඩ නීති සංග්‍රහය යටතේ දඩුවම් ලැබිය හැකි විශාල වරදක් ලෙස සුපිරි ක්‍රීඩා මගින් ඒ පිළිබදව කළ විමසීමකදී නීති අංශ සනාත කරයි.
දිවයිනේ ප්‍රමුඛතම දැල්පන්දු ඇකඩමියක් වන කෝට්ටේ දැල්පන්දු ඇකඩමිය සිය සත් වර්ස පූර්ණය වෙනුවෙන් සංවිධානය කරන ක්‍රීඩා සමාජ සහ පාසල් සදහා වෙන් වූ දැල් පන්දු තරගාවලිය නොවැම්බර් 03 දා පැවත්වීමට සියළු කටයුතු සංවිධානය කර ඇත.එම ඇකඩමියට නෑ කම් කියන පාසල් සහ ක්‍රීඩා සමාජ සදහා ආරාධිත තරගාවලියක් ලෙස ක්‍රියාත්මක මෙම තරගාවලියට පාසල් අංශයෙන් හොරයිසන් ජාත්‍යන්තර පාසල,ස්ටැඨර්ඩ් ජාත්‍යන්තර පාසල,මෙතඩිස්ට් බාලිකා පාසල,පානදුර ලයිසියම් ජාත්‍යන්තර පාසල,පිළියන්දල ම.ම.විදයාලය සහ කෝට්ටේ ඇකඩමියේ ඒ සහ බි කණ්ඩායම් තරග වැදීමට නියමිත අතර පාසල් තරග අවුරුදු 15 න් පහළ සහ ඉහළ ලෙස අංශ දෙකකින් ක්‍රියාත්මක විමට නියමිතය.
මෙරට පැසි පන්දු තරගාවලියකට පළමු වරට සහභාගි වන විදේශිය කණ්ඩායම වීමේ භාග්‍යය මාල දිවයින් පැසි පන්දු කණ්ඩායමට හිමි වන බව මෙවර කාල්ටන් කුසලාන 2012 පැසි පන්දු තරගාවලියට මාල දිවයින පැසි පන්දු කන්ඩායම සහභාගි වීම සම්බන්ධයෙන් අදහස් දක්වන තාරුණ්‍යයට හෙටක් සංවිධානය ප්‍රකාශ කරයි.තාරුණ්‍යයට හෙටක්,හම්බන්තොට ක්‍රීඩා සමාජය සහ HSC Blues පැසි පන්දු සමාජය එක්ව සිව්වන වරටත් සංවිධානය කරන මෙම තරගාවලිය දිවයිනේ ප්‍රමුඛතම පැසි පන්දු පිටියක්ව තිබී පසුව වල් බිහි වෙමින් තිබූ හෙන්රි ප්‍රේද්‍රිස් පිටිය නවීකරණය කිරීමෙන් පසුව එහි පැවත්වෙන ප්‍රධානතම ජාතික මට්ටමේ තරගාවලිය ලෙස ඔක්තෝමබර් 19 වන දා සිට 24 දා දක්වා ක්‍රියාත්මක වීමට නියමිතය.
කලක් ක්‍රීඩා වෛද්‍ය ඒකකය ක්‍රීඩකයාගේ විශ්වසනීය තැනක් නොවුණු බවත් ඒ නිසාම ක්‍රීඩකයන් වෛද්‍ය ඒකකයෙන් දුරස්වීමේ ප්‍රතිපලයක් ලෙස තහනම් උත්තේජන භාවිතය වැනි අවාසනාවන්ත තත්ත්වයන් වැඩි පුර දකින්නට ලැබුණු බවත් ක්‍රීඩක විනයේ යම් පිරිහුනු තත්ත්වයන් නිර්මාණය වූ බවත් පෙන්වා දුන් අමාත්‍යවරයා අද ඒ තත්ත්්වය වර්ථමාන ප්‍රධානියා වන මහාචාර්‍ය අර්ජුන ද සිල්වා යටතේ වෙනස් වෙමින් පවතින බවත් පෙන්වා දුන්නේය.විශේෂයෙන් ක්‍රීඩකයාගේ විශ්වසනීය ආයතනයක් බවට පත් වෙමින් සහ ආයතනය සහ ක්‍රීඩකයා අතර සහසම්බන්ධය යහපත් වෙමින් පැවතීම තුළින් ක්‍රීඩකයන් වැරදි සදහා යොමු වීම අවම වෙමින් පවතින බව ද ක්‍රීඩා අමාත්‍යවරයාගේ කතාව තුළින් ගම්‍ය විය.ඖෂධ සහ තහනම් උත්තේජන පිලිබද ක්‍රීඩකයා සහ පුහුණුකරුවා දැනුවත් කිරීමේ කාර්යය යහපත් කිරීම සදහා ගෙන යන වැඩ පිලිවෙල මත ඇති වී තිබෙන සාධනීය තත්ත්වයන් ද මෙහිදි අමාත්‍යවරයාගේ ප්‍රශංසාවට ලක් විය.
හැට වන ජාතික බැඩ්මින්ටන් ජාතික සූරතාවලිය 18,19,20 සහ 21 යන දිනයන් හී පැවත්වෙන බව ශ්‍රී ලංකා බැඩ්මින්ටන් සංගමයේ නියෝජිත පාලිත හෙට්ටිආරච්චි මෙන්ම එම සංගමයේ සභාපති පරාක්‍රම බස්නායක ද සුපිරි ක්‍රීඩා වෙත පවසා සිටියා.ඔලිම්පික් තරගාවලියේදී ඉහළ දස්කම් දැක් වූ නිලූක මෙන්ම දිනූක ද මෙම ජාතික තරගාවලියට සහභාගි වීමට සූදානමින් සිටින බව පාලිත පෙන්වා දුන් අතර ඉකුත් වසරේ ජාතික සූරිය වූ අචිනි රත්නසිරි මෙම තරගාවලියට ආබාධිත තත්ත්වයක් නිසා සහභාගි නොවන බව ද ප්‍රකාශ කර සිටියා.එසේම ප්‍රවීන ක්‍රීඩිකා තිළිනි ජයසිංහ ද මෙම තරගාවලියේදී කේවල තරග වලින් ඉවත් වී සිටින අතර නමුත් දැනට වයස්ගතම ක්‍රීඩිකාව ලෙස සැළකෙන චන්ද්‍රිකා ද සිල්වා කේවල,යුගල මෙන්ම මිශ්‍ර යුගල යන තරග අංශ ත්‍රිත්වයෙන්ම මෙම තරගාවලියට පෙනී සිටිනවා.
නව වන ආසියානු යොවුන් බාලිකා තරගාවලිය නියෝජනය කළ ශ්‍රී ලංකා යෞවනියන්ට ශ්‍රේණිගත කිරීම් තරගවලට ඇතුළත් වීමේ අවස්ථාව අහිමි වී තිබෙනවා.කණ්ඩායම් 13 ක් සහභාගි වූ මෙම තරගාවලියේ ශ්‍රේණිගතකිරීම් සදහ කැදවන කණ්ඩායම් 12 අතරට එක් වීමට කිසිදු තරගයක් ජය නොගත් ශ්‍රී ලංකා ක්‍රීඩිකාවන් අසමත් වී තිබෙනවා.තරගාවලිය පුරාම එකම තරග වටයක් පමණක් ජය ගත් ශ්‍රී ලංකාව එම තරග වටය මුහුණ දුන් අවසන් තරගයේදි ඕස්ට්‍රේලියාවට එරෙහිව වාර්තා කිරිමට සමත් වුණා.
චීනයේ ක්‍රියාත්මක නව වන ආසියානු යොවුන් බාලිකා වොලිබෝල් තරගාවලියේ ශ්‍රී ලංකාව ප්‍රථම වටයේ දක්ෂතා මත අයත් වූ එච් කාණ්ඩයේ ප්‍රථම තරගයට ඊයේ ඉරානය සමග සහභාගි වූ අතර එහිදී ද වට 3 - 0 ක පරාජයක් ලැබීය.ලකුණු 21 - 25 ,22 - 25 සහ 21 - 25 ක් ලෙස (http://www.asianvolleyball.org/upfile/bulletin/files/201210/1737583024_1350310262.pdf) ශ්‍රී ලංකාව ඉරානය ඉදිරියේ පරාජයට පත් වූ මෙම තරගයෙන් පසුව ශ්‍රී ලංකාවට මුණ ගැසීමට නියමි.ව ඇත්තේ ඕස්ට්‍රේලියාවයි.
ප්‍රවීන මලල ක්‍රීඩකයෙකු මෙන්ම මලල ක්‍රීඩා සංගමයේ හිටපු උප සභාපතිවරයෙකු ද වන මලල ක්‍රීඩා පුහුණුකරු සුනිමල් රූපසිංහ විශේෂ ජාත්‍යන්තර පුහුණුවක් ලද කිඩ්ස් ඇත්ලටික් (ළමා මලල ක්‍රීඩා) වැඩ සටහන් මෙහෙයවමින් කරන ලද සත්කාරය මෙන්ම, ඔහු ඉගෙනුම ලැබූ නුගේගොඩ ශාන්ත ජෝන් විද්‍යලයේ කණිෂ්ඨ විද්‍යාලීය ක්‍රීඩා පිටියේ පැවති 1000 ක් පමණ සහභාගි වූ ළමා මළළ ක්‍රීඩා පුහුණු වැඩ සටහන අවසානයේ ඔහුගේ සේවය අගයමින් උපහාර තිළිණයක් ප්‍රදානය කෙරුණා.
කලක් පාසල් රග්බි පිටියේ සදාකාලික වීරයන් සේ වැජඹි,ඉසිපතන විද්‍යාලය මේ වසරේ යළිත් එම කීර්තිමත් ඉතිහාස මාවතට පිවිසෙමින් මේ වසරේ පාසල් පිටියේ සියළු ප්‍රදාන සූරතාවයන්ගේ උරුමක්කාරයා වෙමින් මයිලෝ අනුග්‍රහයෙන් ක්‍රියාත්මක වූ ජනාධිපති කුසලාන රග්බි කිරුළ ද සියතට ගැනීමට සමත් වුණා.ඒ කොළඹ රාජකීය විද්‍යාලීය ක්‍රීඩා සංකීරණයේ පැවති ජනාධිපති කුසලාන අවසාන තරගයේදී මනුවර ත්‍රිත්ව විද්‍යාලය ලකුණු 21 - 16 ක් ලෙස පරාජයට පත් කරමින්.
නවවන ආසියාතික යොවුන් කාන්තා බාලිකා වොලිබෝල් තරගාවලිය යටතේ ශ්‍රී ලංකාව සහභාගි වූ මූලික වටයේ දෙවන තරගයෙන්ද වට 3 - 0 ක පරාජයක් ලැබුවාය.ලකුණු තත්ත්වය 25 - 6 , 25 - 7 සහ 25 - 9 ක් වූ මෙම තරගයේදී තරග වට තුන පුරාම කොරියාව, හ්‍රී ලංකාවට වඩා බොහෝ ඉදිරියෙන් විය.
ආසියානු එච්එස්බීසී සත් සාමාජික රගර් තරගාවලිය යටතේ මුම්බායි හී ක්‍රියාත්මක වූ සත් සාමාජික රගර් තරගාවලියේ සූරතාවය දිනා ගැනීමට හොංකොං කණ්ඩායම සමත් වුණා.අවසාන තරගයේදී ප්‍රබල ජපාන කණ්ඩායම ඉදිරියේ 28 - 7 ක් ලෙස පහසු ජයක් ලබමින් කිරුළට හිමි කම කී හොංකොං කණ්ඩායම මෙම තරගාවලියේ කණ්ඩායමක් ලද දැවැන්තම ජය වූ 54 - 0 ක ජයක් 66 - 0 ක ජයක් තායිලන්තයට එරෙහිව මූලික වටයෙදී වාර්තා කිරීම කැපී පෙණුනා.
සමස්ත ලංකා පාසල් ක්‍රීඩා ඉතිහාසයේ වැඩිම වරක් සූරතා දිනා ඇති වලල ඒ රත්නායක විද්‍යාලයට මෙවර සම සූරතාවයකට ඈදී සිය ගෞරවය රැක ගන්නට සිදු විය.ඒ අනුව බාලිකා සූරතාවය කෑගල්ල ශාන්ත ජෝෂප් බාලිකා විද්‍යාලය සමග වලල දිනා ගනිද්දී ඉකුත් වසරේ සූරියන් වූ රත්නපුර සුමනා බාලිකා විද්‍යාලයට තෙවන ස්ථානයෙන් සීමා වන්නට සිදුවිය.බාලක සූරතාවයේදී වලල ඒ රත්නායකයට තෙවන ස්ථානය දක්වා පහළ බසින්නට සිදු වූ අතර වෙන්නප්පුව ජෝෂප් වාස් විද්‍යාලය සහ මීගමුව මාරිස්ටෙල්ලා විද්‍යාලය පිරිමි සම සූරයෝ වුහ.මෙවර ක්‍රීඩා උළෙල වෙනුවෙන් අවුරුදු 21 න් පහළ තරග ඉසව් තරගකාරී ලකුණු සදහා බලපාන ඉසව් බවට පත් කිරීම ඇරඹීමෙන් පසු ප්‍රථම අවස්ථාවේම දක්ෂතම ක්‍රීඩකයා සහ ක්‍රීඩිකාව අවුරුදු 21 න් පහළ ක්‍රීඩකයෙකු සහ ක්‍රීඩිකාවක වීම විශේෂත්වයකි.
ආසියානු එච්එස්බීසී සත් සාමාජික රගර් තරගාවලිය යටතේ මුම්බාය කේන්ද්‍ර කර ගනිමින් පැවත්වෙන සත් සාමාජික රගර් තරගාවලියේ අර්ධ අවසන් පූර්ව තරග වටය සදහා සුදුසුකම් ලැබීමට ශ්‍රී ලංකාවට හැකි විය.එහි මූලික වට වලදී ශ්‍රී ලංකාව තරග තුනකට මුහුණ දුන් අතර එහිදී ශ්‍රී ලංකාව තරග දෙකක් ජය ගෙන තරගයක් ජය ගැනීමට සමත් විය.
