පසුගිය කාලයේ නිලූක කරුණාරත්න ප්‍රමුඛව දක්වන ලද දක්ෂතා
හේතු කර ගෙන බැඩ්මින්ටන් ර්‍කීඩා කරන රටවල් අතරින් ඉකුත් වසරට වඩා ප්‍රගතියක්
ලබන්නට මේ වසරේ පළමු ශ්‍රේණිගත කිරීම්වල දීම ශ්‍රී ලංකාවට රටක් වශයෙන් හැකියාවක්
හිමි වී ඇත.2011 වසරේ හත්වන මස වන විට ජගත් ශ්‍රේණිගත කිරීම්වල 31 වන ස්ථානයේ සිටි
ශ්‍රී ලංකාව එම දක්ෂතා නිසා 2011 10 වන මස වන විට 30 වන ස්ථානය දක්වා ඉහළ
පැමිණියේය.මේ වසරේ පළමු මාසය වන විට කරන ලද ශ්‍රේනිගත කිරීම් වල දී නිලූක ලද ජයග්‍රහණ
සමග ශ්‍රී ලංකාවේ තත්ත්වය 28 වන ස්ථානය දක්වා ඉහළට පැමිණ ඇත.
එසේම ඉදිරියේදී මේ තත්ත්වය තව දුරටත් යහපත් වර්ධනයක්
පෙන්නනු ඇතැයි අපේක්ෂා කළ හැකි අතර මේ වන විට 54 වන ස්ථානයේ නිලූක පසු වීමත් ඔහු
විසින් ලබා ගත් ජාත්‍යන්තර ජයග්‍රහණත් පදනම් කරගෙනත් ශ්‍රී ලංකාව තව දුරටත්
ඉදිරියට පැමිණෙනු ඇත.එසේම කණිෂ්කොන්තා ශ්‍රේනිගත කිරීම්වල දී තිළිණි හෙන්දහේවා 52
වන ස්ථානයට පැමිණීමත් මේ සදහා විශාල හේතුවක් සපයනු බව නිසැකය.
No comments:
Post a Comment