 |
| දුලිප් මෙණ්ඩිස් |
 |
| විද්‍යාර්ථය |
 |
| රොෂාන් සදරුවන්
දින හතරක් පුරා කොළඹ රාජකීය විද්‍යාලීය බොක්සිං කවයේ පැවති ආධුනික බොක්සිං තරගාවලිය ඊයේ නිමාවට පත් වූයේ මහනුවර විද්‍යාර්ථ බොක්සිං සමාජයට සූරතාවය හිමි කර දෙමින්.තරගාවලියේ දක්ෂතම ක්‍රීඩකයා ලෙස ස්ලිම්ලයින් බොක්සිං සමාජය නියෝජනය කළ කිග්‍රෑ 56 බර පංතිය ජය ගත් දුලිප් මෙණ්ඩිස් තේරී පත්විය.කිග්‍රෑ 49 ට අඩු බර පංතියෙන් තරග වැදි යුනිචෙලා බොක්සිං සමාජයේ රොෂාන් සදරුවන් දක්ෂතම පරාජිතයා ලෙස සම්මානනීය විය.
තරගාවලියේ අවසාන දිනය වූ ඊයේ තරග ඇල් මැරුණු ස්වභාවයක් ගත් අතර පැවති අවසාන තරග 10 න් අඩු බර පංතියේ තරග 3 හැරෙන්නට ඉතිරි තරග 7 ම ජයග්‍රාහකයා තීරණය වූයේ අතරමැද තරගය නවතා දැමීමෙන්ය.ඇති වී තිබෙන අවාසනාවන්ත තත්ත්වය පාදක කරගෙන විනිසුරුවන් තුළ ගොඩ නැගී තිබෙන පීඩනය එම තීරණවලට බලපෑමක් කළ බව යමෙකුට හැගී යා හැකි වුව ද සැබවින්ම එම තරගවල ප්‍රතිපලයට වඩාත්ම බලපෑම් කළ සිදුවීම වූයේ තරග සටහන යෙදී තිබුණ ආකාරයෙන් අවසාන තරගයට පිවිසි පාර්ශව අතරින් එක් පාර්ශවයක් අනෙක් පාර්ශවයට වඩා බෙහෙවින් ප්‍රබල වීමය.
ඇතැම් පුහුණුකරුවන් විනිසුරු තීරණවලට එරෙහිව සිය විරෝධය දැණුම් දීමට අමතරව දෙමව්පියන් විරෝධය සදහා පෙළඹවීම දැක ගන්නට ලැබුණු අතර එය එම විද්‍යාලීය කීර්ති නාමයට මෙන්ම ක්‍රීඩාවේ ගුණාත්මකභාවයට ද හානි කර තත්ත්වයක් විය.ක්‍රීඩාවේ නෛතික පදනම නොදන්නා මව්වරුන් එම විරෝධතා සදහා කැදවා එමින් තමන්ට පුහුණුව සදහා අවස්ථාව හිමි වී තිබෙන නමගිය පාසල්වල කීර්තියට ද අවමන් කරන මෙවැනි පුහුණුකරුවන්ට ඇතිවන ගැටළුවකදී එය තනිව කළමණාකරණය කර ගැනීමේ පෞරශයක් නැතිවීම එවැනි පුහුණුකරුවෙකු අතින් පෞරශවත් බොක්සිං ක්‍රීඩකයෙකු බිහිවේද යන්න ද සැකයට භාජනය කරන සුළුය.
තරගයේ දෙවන ස්ථානය ද කන්ද උඩරටට හිමි වූ අතර එහි ගෞරවය කිංස්වුඩ් බොක්සිං සමාජයට හිමි විය.විශේෂත්වය වූයේ ප්‍රබල බොක්සිං සමාජ සමග තරග වදිමින් නැගී එන බොක්සිං සමාජයක් ලෙස පිළි ගැනෙන පානදුර සුමංගලය තරගාවලියේ තෙවන ස්ථානය දිනා ගැනීමය.
ඡායාරූප - කමල් වන්නිආරච්චි |
No comments:
Post a Comment