 |
| රාමි රාමචන්ද්‍රන් |
ස්කොෂ් ක්‍රීඩාව 2020 දී ඔලිම්පික් ක්‍රීඩාවක් ලෙස ඔලිම්පික් උළෙලට ඇතුළත් කිරීම සදහා අවශ්‍යය වර්ධනය පිණිස සියල්ලගේ අවධානය යොමු විය යුතු බව ජාත්‍යන්තර ඔලිම්පික් ස්කොෂ් සම්මේලනයේ සභාපති රාමි චන්ද්‍රන් පවසනවා.බ්‍රිතාන්‍ය විවෘත ස්කොෂ් තරගාවලියට සහභාගි වෙමින් සභාපතිවරයා මේ බව පවසමින් 2016 දී ස්කොෂ් අභිබවා සත් සාමාජික රගර් සහ ගොල්ෆ් ඔලිම්පික් උළෙලට ඇතුළත් වීමෙන් තමන් සිතට ගත යුත්තේ මෙම ක්‍රීඩාව වඩාත් ප්‍රේක්ෂකයන් ඇලුම් කරන සහ ඔවුන් පිළිගන්නා ඉසව්වක් බවට පත් කරන්නේ කෙසේද යන්න බවද රාමි අවධාරණය කළා.
විද්‍යුත් මාධය දායකත්වය පිළිබදවද අදහස් දක්වමින් විවිධ කැමරා කෝණයන්ගෙන් තරග විදීමට පහසුකම් සැළසීම මෙන්ම ප්‍රතිරූපන අවස්ථා වලින් තරගයේ තීව්ර බව යළි යළිත් විදීමට ඇති හැකියාව ගැන ද තරග ප්‍රචාරණයේදි සළකා බැලිය යුතු බව පැවසුවා.එසේම තරග විනිසුරුවන්ට වඩාත් පහසුවන සේ විද්‍යුත් ක්‍රමවේද සකසා ගැනීම ගැන ද එහිදී සභාපතිවරයාගේ අදහස් අතර ප්‍රධාන තැනක් ගත්තා
මේ වන විටත් රටවල් 70 ක 40,000 ක පිරිසක් ස්කොෂ් ක්‍රීඩාවේ යෙදෙන බව පැහැදිළි කළ සභාපතිවරයා මෙම තත්ත්වය සංඛ්‍යාත්මකව වැඩි කර ගැනීම මෙන්ම ක්‍රීඩාවේ විද්‍යානුකූල සංවර්ධනයේ ඇති වැදගත් කම ද අවධාරණය කළා.සිය ඉල්ලීම හරහා කාන්තා සහ පිරිමි අංශයෙන් තරගකරුවන් 32 බැගින් 2020 ඔලිම්පික් උළෙලට ඉදිරිපත් කිරීමට හැකියාව ලැබෙනු ඇති බවට විශ්වාසය පළ කළ රාමි රාමචන්ද්‍රන් ක්‍රීඩාව ප්‍රේක්ෂකයාගේ මිත්‍රශිලී ඉසව්වක් කිරීමට හැකි ආකාරයට වීදුරු ක්‍රීඩා පිටි පහසුකම් ගැන තව දුරටත් නිර්මාණශීලිව සිතිය යුතු බව පෙන්වා දුන්නේ ඒ හරහා නැවත නැවතත් 2020 දී ස්කොෂ් ඔලිම්පික් ක්‍රීඩා පිටියක ක්‍රීඩක ක්‍රීඩිකාවන් 64 දෙනෙකු සහ නිලධාරීන් 20 දෙනෙකුගේ හැසිරීම පිළිබදව බලාපොරොත්තු ඉහළ නංවමින්ය.
කෙසේ හෝ ජගත් ස්කොෂ් දිනය යෙදී තිබුණු ඔක්තෝම්බර් 20 වන දින රාමි රාමචන්ද්‍රන් පැවසූ මෙම අදහස් යථාර්තයක් වන්නට නම්,2013 සැප්තැම්බර් මාසයේදි බුවනෝස්අයර්ස් හී පැවත්වීමට නියමිත ඔලිම්පික් විධායක කමිටු රැස්වීමේදී ස්කොෂ් ක්‍රීඩාව 2020 ඔලිම්පික් ක්‍රීඩාවක් ලෙස තෝරා ගැනීමට අවශ්‍යය විශ්වසනීයත්වය ජගත් ස්කොෂ් සම්මේලනය විසින් තහවුරු කර පෙන්වා දිය යුතුය.
www.supirikrida.com
No comments:
Post a Comment