ආර්මේනියාවේදී නොවැම්බර් 25 වන දින දෙසැම්බර් 07 වන දින දක්වා පැවත්වෙන ලෝක යොවුන් බොක්සිං තරගාවලියේදී ශ්‍රී ලංකාව නියෝජනය කරමින් ක්‍රීඩකයන් තිදෙනෙකු සහභාගි කරවන්නට ශ්‍රී ලංකා ආධුනික බොක්සිං සම්මේලනය තීරණය කර ඇත.ඒ අනුව ස්ලිම්ලයින් බොක්සිං ක්‍රීඩා සමාජය නියෝජනය කරමින් රොෂාන් සදරුවන්,මහනුවර විද්‍යාර්ථ විදයාලය නියෝජනය කරමින් නිර්මාල් සත්‍යජිත් සහ පානදුර සුමංගල විද්‍යාලය නියෝජනය කරමින් රොෂාන් හෙට්ටිආරච්චි මෙම තරගාවලියට සහභාගි කරවිමට තෝරා ගෙන ඇති ක්‍රීඩකයින් තිදෙනාය.කණ්ඩායමේ පුහුණුකරු ලෙස සහභාගි වන්නේ අමිල අරවින්දය.කළමණාකරු ලෙස ලක්ෂ්මන් වීරසේන සහභාගි වීමට නියමිතය.සහභාගීත්වය වෙනුවෙන් මෙන්ම ඒ සදහා වන සූදානම් වීම සදහා පුහුණුව සහ අනෙකුත් භෞතික පහසුකම් සම්පාදනය කරමින් මාස් සමූහයේ සමූහ අධ්‍යක්ෂ ඩයන් ගෝමස් විසින් බර පැන දරන්නට එකග වීම මෙම සහභාගීත්වය සනාත කරන්නට හේතුවක් විය.ඔහුගේ ශක්තිය සහ මග පෙන්වීම මත ආර්මේනියාව බලා පිටත්ව ගිය ශ්‍රී ලංකා කණ්ඩායම ලෝකයේ හෙට දවස ආලෝකමත් කරන්නට නියමිත ආධුනික යොවුන් බොක්සිං ක්‍රීඩකයන් සමග හෙට සිට තරග බිමට පිවිසෙන්නට නියමිතය.
www.supirikrida.com
No comments:
Post a Comment