ශ්‍රී ලංකා දැල් පන්දු අර්බූදය තව දුරටත් තීව්ර කරමින් සිංගප්පූරු සංචාරය සදහා වසර ගණනාවක් පුහුනු කටයුතු වලින් ඈත් වී සිටි හිටපු ජාතික පුහුණුකාරියකට දැල් පන්දු කණ්ඩායමේ පුහුණුකාර ධූරය පිරිනැමීමට ක්‍රීඩා සංවර්ධන දෙපාර්තමේන්තුව අමාත්‍යවරයාට යෝජනා කර ඇති බව සුපිරික්‍රීඩා වෙත වාර්තා වේ.මේ වන ක්‍රීඩා අමාතයවරයාගේ අනුමැතිය හිමි විමට නියමිත එම නිලධාරි මණ්ඩලයට හැකියාවන් පසෙක තබා ක්‍රීඩා සංවර්ධන දෙපාර්තමේන්තුවේ හිටපු සහ සිටින නිලධාරීන් පත් කිරිම කෙරෙහි අවධානය යොමු වී තිබෙන බවත්,කළමණාකාරිය පත් කිරීමේදී ක්‍රීඩා වෛද්‍ය ඒකකයේ තහනම් උත්තේජන කටයුතු භාරව සිටින සහ ඒ පිළිබදව ජාත්‍යන්තර පළපුරුද්දක් ඇති වෛද්‍ය ශිරෝමි පිළපිටිය නම් කිරීමෙන් ඇයගේ රාජකාරිමය වටපිටාව පිළිබදව ඇති විශ්වසනීයත්ය අභියෝගයට ලක් කිරීමක් සිදු වී ඇති බවත් එම වාර්තා වලින් දැක්වේ.සාමාන්‍යයෙන් ශ්‍රී ලංකාවේ දැල් පන්දු ක්‍රීඩාව ආසියාතික රටවල් අතර ඉහළ තැනෙක පවතින බව පිළිගත යුතු සත්‍යයකි.එවැනි වට පිටාවක ජාතික කණ්ඩායමට ක්‍රීඩිකාවන් එකතු කරමින් සිටින මේ මොහොතේත් ප්‍රායෝගිකව පුහුණු කටයුතු වල යෙදෙන පිරිස් සිටියදි විශ්‍රාමික නිලධාරිණියක පුහුණුකාර ධූරයට යෝජනා කිරිම ගැටළුකාරී බව ක්‍රීඩා සංවර්ධන දෙපාර්තමේන්තුව තුළම දැන් දැඩි කතා බහකට ලක් වෙමින් පවතියි.එසේම ඇය අර්බූදයට තුඩු දුන් පසුගිය ආසියානු කුසලාන තරගාවලියේ විශාල කාර්ය භාරයක් පැවරි තිබූ නිලධාරිණියක වීමද මෙම පත් වීම හරහා ක්‍රීඩා අමාත්‍යංශයේ ප්‍රතිපත්තිමය ක්‍රියාවලිය ඉදිරියේ ප්‍රශ්නාර්ථයට නගයි.
පුහුණුකාරිය එසේ නම් කිරිමේදි සහය පුහුණුකාරිය ලෙස නම් කර ඇත්තේද,ගාල්ල ශ්‍රී හෘදය කන්‍යාරාමය හරහා බිහි වූ විශිෂ්ඨ ක්‍රීඩිකාවන්ගේ අයිතිය සිය නමට ලියා ගත් තැනත්තියක වීම ද ගැටළුකාරී තත්ත්වය තව දුරටත් උත්සන්න කරන්නේය.තිලකා ජිනදාස ට පසුව පසුගිය කාලයේ ජාතික තලයේදි පුහුණුකාරිණියන් ලෙස දක්ෂතා දැක් වූ යමුනා සදමාලි,සොමිතා අල්විස්,පීඩී ප්‍රසාදි,රූබා ජයලත් වැනි පුහුණුකාරිනියන් ගණනාවක් සිටියදී සහ පාසල් මට්ටමෙන් දස්කම් දක්වන පුහුණුකාරිණියන් අමල්කා ගුණතිලක,ජානකී ගුණසේකර වැනි විශාල ගණනක් සිටියදී එම සංකලනයකින් ජාතික පුහුණුකාරිය තෝරා නොගෙන ඉහත නම් සදහන් පුහුණුකාරිණියන්ගේ ක්‍රීඩක අවධියේ පුහුණුකාරිණියක ජාතික පුහුණුකාරිනිය කිරීම එයට අනුමැතිය දෙන ක්‍රීඩා අමාත්‍යවරයා හාස්‍යයට ලක් කිරීම සදහා ක්‍රීඩා සංවර්ධන දෙපාර්තමේන්තුවේ නිලධාරීන් ගසන ලද ගැටයක්දැයි සැක සහිතය.සිය හිතවත්කම් සහ ගුරු පූජා ලෙස ජාතික වගකීම් දානය කිරීමට කටයුතු කිරීම රටේ කීර්තිය උගසට තබා සූදු කෙළිමක් බදු බව මෙවැනි තීරණ ගන්නා නිලධාරීන්ට නොසිතිම ඛේදවාචකයක් වන අතර එයට පත් කළ යුත්තේ කවුද යන්න තීරණය විය යුත්තේ ඒ සදහා ඔහුගේ හෝ ඇයගේ අධ්‍යාපනික,කායික සහ මානසික සුදුසුකම් ඒ මොහොත හා කෙසේ ගැලපෙන්නේදැයි සොයා බලාය.
ඒ අනුව බලන විට සිංගප්පූරුව තහනම් උත්තේජන පරික්ෂණ කටයුතු සදහා කැදවිය හැකි දැණුම් වපසරියක් පිහිටා සිටින වෛද්‍ය ශිරෝමි පිලපිටිය වැන්නෙකුට ක්‍රීඩා කණ්ඩායමක කළමණාකාර ධූරය පිරිනැමීම ඇයගේ විශේෂඥ වෘත්තීයට හානිකර තත්ත්වයක් විය හැකිය.එසේම සහය පුහුණුකාරිය ලෙස නම් කර ඇත්තේද වසර ගණනාවක සිට මෙම සංචාරය පිළිබදව දැඩි දොළකින් පසුවන නිලධාරිනියකට බව පසුගිය වසර ගණනාවක් මෙම තරග සංචාරයට කුමන හෝ පදනමකින් ඇය සහභාගි වී තිබෙන බවට ක්‍රීඩා අමාත්‍යංශය සතු තොරතුරු වලින්ම අනාවරණය කර ගැනීමට හැකිය.මෙවර එයට වඩා වටිනා කමක් එකතු කර දීමට ක්‍රීඩා සංවර්ධන දෙපාර්තමේන්තුවේ මේ සම්බන්ධව කටයුතු කල නිලධාරිනට හැගීමක් ඇති වි ඇත්තේ ඇයගේ විශ්‍රාමයට පෙර වටිනා තිලිණයක් ලබා දීමේ උවමනාවෙන්දැයි සැක සිතේ.
www.supirikrida.com
No comments:
Post a Comment