ඩයලොග් ආසියාටා අනුග්‍රහයෙන් ක්‍රියාත්මක ජනාධිපති රන් කුසලාන වොලිබෝල් තරගාවලියේ මූලික තරග මුලතිව් සහ කිලිනොච්චි දිස්ත්‍රික් එක් කර ගනිමින් දිවයිනේ දිස්ත්‍රික් 25 පුරාම ක්‍රියාත්මක කිරිමට නියමිතය.ප්‍රාදේශීය ලේකම් කොට්ඨාශ මට්ටමේ සිට කළාප,දිස්ත්‍රික්,පළාත් ලෙස ජාතික මට්ටමට පිවිසෙන තරගාවලියේ ප්‍රාදේශීය ලේකම් කොට්ඨාශ සහ කළාප තරග නොවැම්බර් මස අවසන් කිරීමට නියිමිතව ඇත.තරගාවලියේ සමාරම්භය නොවැම්බර් 11 දා නාරම්මල යූබී විජේකෝන් ක්‍රීඩාංගණයෙන් ඇරඹිමට නියමිත අතර එහි ප්‍රධෘන ආරාධිතයන් ලෙස වොලිබෝල් සම්මේලන සභාපති විදේශ රැකියා ප්‍රවර්ධන සහ සුභසාධන අමාත්‍ය ඩිලාන් පෙරේරා,වයඹ ප්‍රධාන අමාත්‍ය අතුල විජේසිංහ,වයඹ පළාත් ක්‍රීඩා අමාත්‍ය අශෝක වඩිගමංගාව,කුරුණාගල දිස්ත්‍රික් වොලිබෝල් සංගමයේ සභාපති පාර්ලිමේන්තු මංත්‍රී ශාන්ත බංඩාර,ඩයලොග් ආසියාටා සමාගම වෙනුවෙන් එහි ව්‍යාපාරික කළමණාකරු ප්‍රදීප් කීර්තිරත්න,සහ ජ්‍යෙෂ්ඨ කළමණාකරු සහ මාධය උපදේශක රිස්වි ෆාරුක් යන අය සහභාගි වීමට නියමිතය.
ඉකුත් වසරේ කන්ඩායම් 4667 ක් සහභාගි වූ ඩයලොග් ජනාදිපති රන් කුසලාන තරගාවලියේ පිරිමි සූරයන් ලෙස ගම්පහ සියනෑතරු කණ්ඩායම තේරී පත් වූ අතර කාන්තා සූරියන් වූයේ කොස්වාඩිය විජය ක්‍රීඩා සමාජය යි.පිළිවෙළින් පිරිමි අනු සූරයන් සහ කාන්තා අනු සූරියන් ලෙස දෙබෑගම රන්තරු සහ රදාවාවන ගෝල්ඩන් බර්ඩ්ස් ක්‍රීඩා සමාජ තේරී පත් විය.
www.supirikrida.com
No comments:
Post a Comment