වීදී පැසි පන්දුව අදුරත් පරදා වැස්සත් පරදයි

ශ්‍රී ලංකා පැසිපන්දු පරිපාලනය පැසි පන්දු ක්‍රීඩාව වඩා ජනප්‍රිය ක්‍රීඩාවක් පත් කිරීමට මෙන්ම 2016 දී රියෝද ජැනෙයිරෝ නුවර පැවත්වෙන ඔලිම්පික් තරගාවලියේදී පැවත්වීමට නියමිත 3x 3 පැසිපන්දු තරගාවලියට ශ්‍රී ලංකා කණ්ඩායමක් ඉදිරිපත් කිරීමට ඇති ඉඩ පහසුකම පිළිබද අවධානය යොමු කරමින්ද කොළඹ නවම් මාවත රථ වාහන අංගනය ආශ්‍රීතව ක්‍රියාත්මක කරන ලද 3x 3 පැසි පන්දු තරගාවලියේ දෙවන අදියර සාර්ථකව නිමා කරන්නට ශ්‍රී ලංකා පැසි පන්දු සම්මේලනයට හැකි විය.පළමු අදියරේ දී තරගාවලිය සම්පූර්ණ කිරීමට කාලයෙන් බාධාවක් ඇති කර ගත්තද එයින් පැඩම් උගත් සංවිධායකත්වය දෙවන අදියර කාලයෙන් බාධාවක් ඇති නොවන ආකාරයෙන් නිමා කිරීමට  සමත් වූ නමුත් දෙවන අදියර ට වර්ෂාවෙන් එල්ල වූ බාධාව දැඩි ගැටළුකාරී එකක් විය.එහෙත් ක්‍රීඩා සංවිදායකත්වය සමග එකග වෙමින් එම වර්සාව මධ්‍යයේ ක්‍රීඩා කිරිමට එකග වූ ක්‍රීඩක ක්‍රීඩිකාවන් මෙන්ම විනිශ්චය කිරීමට ඉදිරිපත් වූ විනිසුරුවන් ද නිසා සියළු වයස් ඛාණ්ඩ වල ජයග්‍රාහකයන් කවුද යන්න තීරණය වෙමින් 3x 3 පැසි පන්දු තරගාවලියේ දෙවන අදියර සාර්ථකව නිමා කරන්නට හැකි විය.

තරගාවලියේ අවුරුදු 15 න් පහළ බාලිකා සූරතාවය Track Masters ක්‍රීඩා සමාජයට හිමි වූ අතර අනු සූරියන් වූයේ මහනුවර පුෂ්පදාන විද්‍යාලීය කණ්ඩායම ය. කොළඹ St Lawrence විද්‍යාලීය කණ්ඩායම තෙවන ස්ථානය දිනා ගත්තේය.අවුරුදු 15 න් පහළ බාලක සූරතාවය දිනා ගනු ලැබුවේ Asian International School  කණ්ඩායම වූ අතර අනු සූරතාවය කොළඹ රාජකීය විදුහල් කණ්ඩායමට හිමි විය.තෙවන ස්ථානය හිමි වූයේ Colombo International School  කණ්ඩායමටය.

අවුරුදු 18 න් පහළ බාලිකා සූරියන් වූයේ Track Masters ක්‍රීඩා සමාජය ය.අනු සූරතාවය Josephions ක්‍රී ඩා සමාජයට හිමි වූ අතර තෙවන ස්ථානය හිමි වූයේ St Lawrence කණ්ඩායමට ය.එම වයස් ඛාණ්ඩයේ බාලක සූරතාවය කොළඹ රාජකීයන් දිනා ගත් අතර අනු සූරතාවය හිමි කර ගත්තේ Colombo International School  කණ්ඩායම ය.තෙවන ස්ථානය St Benedict  කණ්ඩායමට හිමි විය.

විවෘත පිරිමි සූරතාවය හිමි වූයේ Nation Trust Bank කණ්ඩායමට ය.අනු සූරතාවය හිමි වූයේ Colombo Lakers කණ්ඩායමට ය.තෙවන ස්ථානය Carlton කණ්ඩායමට හිමි විය.කාන්තා සූරතාවය හිමි වූයේ 4 For Ever කණ්ඩායමට වූ අතර අනූ සූරියන් ලෙස Shepherdions කණ්ඩායම තේරී පත් විය. Paulions කණ්ඩායම තෙවන ස්ථානය දිනා ගත්තේය.

www.supirikrida.com