ඡන්දයෙන් දිනුවත් නැතත් මලල ක්‍රීඩා කේෂ්ත්‍රයේ දක්ෂතා ඇති පිරිස් සියල්ලම එහි පරිපාලනයට සම්බන්ධ කර ගන්න ඕනි -ක්‍රීඩා අමාත්‍යවරයා

මලල ක්‍රීඩා නිලවරණය මලල ක්‍රීඩා පරිපාලනයේ ගමන්මග ට පුද්ගලයන් දායක කර ගන්නේ කෙසේද කියන කාරණයේ අවසාන තීරණය නොවිය යුතු බව කී ක්‍රීඩා අමාත්‍ය මහින්දානන්ද අළුත්ගමගේ ඉදිරියේදී සියළුම දක්ෂතාවයන් සහිත පුද්ගලයන් මෙම පරිපාලන කේෂ්ත්‍රයේ කොටස්කරුවන් බවට පත් කර ගන්නා වැඩ පිළිවෙළක් සකස් කරන බව පැවසීය.ඉදිරියේදී ඒ කාරණය ක්‍රියාත්මක කිරීම සදහා ජෙනරාල් දයා රත්නායක ඇතුළු මලල ක්‍රීඩා පරිපාලනය සමග සාකච්ඡා කර තීරණයක් ගන්නා බව පැවසූ ක්‍රීඩා අමාත්‍යවරයා එහි දී විවිධ කේෂ්ත්‍රවල ප්‍රවීනයන් විධායක කමිටු සාමාජිකයන් කර නොගෙන ඔවුන්ට වැඩි වගකීමක් පැවරෙන ආකාරයේ බලයක් ලබා දෙන්නේ කෙසේද යන්න පිළිබදව විමසා බලන බව ක්‍රීඩා අමාත්‍යවරයා සුපිරික්‍රීඩා වෙත අවධාරණය කළේය.                      
    රට පෙරට ගෙන යා හැකි ක්‍රීඩාවක් ලෙස එම කේෂ්ත්‍රයේ සිටින ප්‍රවීනයන් ඒ ඒ කාරණා සදහා යොදවා ගනිමින් කටයුතු කිරීම තම අභිප්‍රාය බව පැව සූ ක්‍රීඩා අමාත්‍යවරයා  මලල ක්‍රීඩාවේ නැවුම් ප්‍රබෝධයක් ඇති කිරීම සදහා පත් වූ නිලධාරී මණ්ඩලයට තමාගේ ආශිර්වාදයඋපරිමයෙන් ලැ‍බෙනු ඇති බව පැවසීය.www.supirikrida.com