.jpg)
ක්‍රිකට් ආයතනයේ තණනිලි සමග
බැදුණු විශේෂිත නමක් ඇති පුද්ගලයෙකු එක්තරා වෙළද ආයතනයක් සමග පවතින සම්බන්ධයක්
හේතු කර ගනිමින් වැරදි මිළ දී ගැනීම් කර තිබෙන බවට ශ්‍රී ලංකා ක්‍රිකට් ආයතනය තුළ
විශේෂ කතා බහක් ඇති වෙමින් පවතියි.තණතිලි සැකසීමට අවශ්‍යය රෝල් මිළදී ගැනීමේදී මේ
පුද්ගලයාගේ නිර්දේශ පිට ගන්නා ලද රෝල් මේ
වන විට වැඩ සදහා යොදා ගැනීමට නොහැකි තත්ත්වයක පවතින බවත් ඒ නිසාම ක්‍රිකට් ආයතනයේ
පහළ සේවකයින් යකඩ කණ යකා කියන අර්ථය හැගෙන පරිදි මෙම තණනිලි විශේෂඥයාට කෝච්චිය
යනුවෙන් නම් පට බැද ඇති බවත් සුපිරික්‍රීඩා වෙත වාර්තා වේ.
මෙම සැක සහිත බව තව දුරටත්
වර්ධනය කරමින් ජලය උරා ගැනීමේ යන්ත්‍ර මිලදී ගැනීමේදී ද මෙම තෘණ විශේෂඥයාම
මැදිහත්ව අදාළ ආයතනයෙන් එම මිළදී ගැනීම් කර තිබෙන බවද එම ආරංචි මාර්ග පෙන්වා දෙයි.ප්‍රමිතියෙන්
තොර භාන්ඩ ඉදිරිපත් කළ ආයතනයකින් විශ්වසනීයත්වය කඩ කිරීම සම්බන්ධයෙන් යම් පියවරක්
ගත යුතු අතර එම ආයතනය සහ භාන්ඩ නිර්දේශ කරන නිලධාරියාද ඒ සම්බන්ධයෙන් වන හානියේ
කොටස්කරුවෙකු වන බැවින් නැවත නැවතත් එවැනි වැරදි කරන ලද ආයනයක් පත් තොරා ගැනීම සැක
සහිතය.
කෙසේ වුවත් කුමන සැකයක් මතු
වුව ද මෙම නිලධාරියා එම ආයතනය වෙනුවෙන් ප්‍රසිද්ධියේ පෙනී සිටීම නොකඩවා සිදු කරන
බවක් දැකිය හැකි අතර ඔහු මේ වන විට තණතීරු ආවරණ ලබා දීමේ කොන්ත්‍රාත්තුවක් ද එම
ආයතනයට පැවරීමට උත්සාහ දරමින් සිටින බව වාර්තා වේ.මේ පිළිබදව ක්‍රිකට් ආයතනයේ පහළ
සේවකයෙක් සුපිරික්‍රීඩා වෙත පවසා සිටියේ යකඩ වලට ගුල්ලෝ ගහනවනම් රබර් ගැන මොන කතා
ද යනුවෙනි.
කෙසේ හෝ මෙම නිලධාරියා අදාළ
ආයතනයෙන් මිළදී ගැනීම පිළිබදව කටයුතු කර තිබෙන ආකාරය සහ එම ආයතනයෙන් මිළදී ගත්
භාන්ඩවල ප්‍රමිතිය සම්බන්ධයෙන් ක්‍රියා කර ඇති ආකාරය මෙන්ම ක්‍රියා කරන ආකාරය
පිළිබදවද අපි දැඩි විමසිල්ලේන් සිටිමු.
No comments:
Post a Comment