 |
| අනූෂා සහ නිල්මිණි |
ලන්ඩන් ඔලිම්පික් උලෙල සදහා
සුදුසුකම් ලැබීම සදහා අවස්ථාව සළසා ගත හැකි කාන්තා ලෝක කුසලාන බොක්සිං කුසලාන
තරගාවලියට සහභාගි වීම සදහා අනූෂා කොඩිතුවක්කු,නිල්මිණි ජයසිංහ සහ ශිරෝමාලි වීරරත්න
චීනය බලා පිටත්ව ගියහ.මැයි 9 සිට 20 දා දක්වා ජගත් ආධුනික බොක්සිං සම්මේලනය
සංවිධානය කරන චීනයේ කින්හොන්ගාඩෝ හී පැවත්වෙන මෙම තරගාවලිය සදහා ෆ්ලය්වේග්ට් බර පංතියේ
සිට සුපර් හෙවිවේට් බර පංතිය සදහා වන සියළු බර පංති වල තරග ඇතුළත් වන අතර අවුරුදු
17 සිට 34 දක්වා වන ක්‍රීඩිකාවන්ට විවෘත වන මෙම තරගාවලියේ ශ්‍රී ලංකා ක්‍රීඩිකාවන්
තිදෙනා ඔලිම්පික් බර පංති නියෝජනය කරති.
 |
| ශිරෝමාලී |
මෙවර ඔලිම්පික් තරගාවලියට ප්‍රථම
වරට කාන්තා බොක්සිං ක්‍රීඩාව ඇතුළත් වන අතර ඒ අනුව බර පංතා තුනක් පමණක් ඇතුළත් කර
ඇත.මෙම බර පංතියෙන් සුදුසුකම් ලබා ගැනීම සදහා ජගත් ශ්‍රේණිගත කිරීම්වල ෆ්ලයිවේට්
ඉසව්වේ හයවන ස්ථානයේ සිටි අනූෂා කොඩිතුවක්කු සිය ඉසව්ව අතහැර ඔලිම්පික් බර පංතියන්
වන කිලෝග්‍රෑම් 51 බර පංතියට පිවිස සිටින අතර,නිල්මිණි ජයසිංහ කිලෝග්‍රෑම් 54 බර
පංතියේ ලොව 16 වන තැනට ශ්‍රේණිගතව සිට ඔලිම්පික් බර පංතියට පිවිස මෙම තරගයට සහභාගි
වන්නේ කිලෝග්‍රෑම් 60 බර පංතියෙන්ය.ඉකුත් ආසියානු සූරතා බොක්සිං තරගාවලියේ දී ශ්‍රී
ලංකාව දිනූ එකම ලෝකඩ පදක්කමට හිමිකම් කියූ ශිරෝමාලී වීරරත්න ද මෙම තරගාවලියේ දී ඔලිම්පික් බර පංතියක් වන
කිලෝග්‍රෑම් 75 දක්වා සිය බර වැඩි කරගෙන තරගයට පිවිසෙන අතර ඒ සම්බන්ධයෙන් අදහස්
දැක්වූ ඇයගේ වත්මන් පුහුණුකරු පූජිත මෙණ්ඩිස් ප්‍රකාශ කර සිටියේ ඇයගේ නියම බර
පංතිය කිලෝග්‍රෑම් 75 බවත් ඇය 69 බර පංතියෙන් තරග වදින්නේ එම බර (කිලෝග්‍රෑම් 75) පංතියේ
ප්‍රමාණාත්මක තරගකාරීත්වයක් නොවන නිසාත් බව ය.
තරගාවලියේ පුහුණුකරු ලෙස
සහභාගි වන්නේ 2008 බීජිං ඔලිම්පික් උළෙල නියෝජනය
කළ අනුරුද්ධ රත්නායක වන අතර සහය පුහුණුකරු ලෙස ශිරෝමාලි නියෝජනය කරන ශ්‍රී
ලංකා පොලිසියේ මෙන්ම ඇයගේ ද වත්මන් පුහුණුකරු වන පූජිත මෙණ්ඩිස් සහභාගි
වන්නේය.කණ්ඩායම් කළමණාකරු ලෙස වත්මන් බොක්සිං සම්මේලනයේ භාණ්ඩාගාරික රුවන් කෑරගල
මෙම සංචාරයට එක් වී සිට්නනේය.
මේ වන විට තරගාවලියට සහභාගිවන ශ්‍රී ලංකා
කණ්ඩායම තායිලන්තයේ තායිලන්ත ජාතික කණ්ඩායම සමග පුහුණුව ලබමින් සිටින අතර ඉකුත්
අප්‍රේල් 28 වන දා ඇරඹි මෙම පුහුණු සැසිය මැයි 7 වන දා අවසන් වීමට නියමිතය.
No comments:
Post a Comment