කොරියාවේ බූසාන් නුවරදී ජූනි 30 දා ඇරඹෙන 21 වන ආසියානු මේස පන්දු තරගාවලියට ශ්‍රී ලංකාව නියෝජනය කරමින් ක්‍රීඩකයන් සිව් දෙනෙකු සහ ක්‍රීඩිකාවන් තිදෙනෙකු සහභාගි වීමට නියමිතයි.රටවල් 27 ක් නියෝජනය කරමින් ක්‍රීඩක ක්‍රීඩිකාවන්,විනිසුරුවන් සහ නිලධාරීන් මෙම තරගාවලියට සහභාගි වන අතර රටවල් 25 ක් නියෝජනය කරමින් තරගාවලියට සහභාගි වන ක්‍රීඩක ක්‍රීඩිකාවන් සංඛ්‍යාව 193 ක් වනවා.තරගාවලියට වැඩිපුරම ක්‍රීඩක ක්‍රීඩිකාවන් ප්‍රමාණයක් සහභාගි කරන්නේ චීන තායිපේ වන අතර එරට නියෝජනය කරමින් ක්‍රීඩකයන් නව දෙනෙකු සහ ක්‍රීඩිකාවන් අට දෙනෙකු තරගාවලියට සහභාගි වෙනවා.
ශ්‍රී ලංකාව නියෝජනය කරමින් නියෝජනය කරන කණ්ඩායමට කලකට පසු ජ්‍යෙස්ඨ ක්‍රීඩක ඉන්දික ප්‍රසාද් ද ඇතුලත්ව සිටින අතර සෙසු ක්‍රීඩකයන් වන්නේ රොහාන් සිරිසේන,උදය රණසිංහ සහ මිලින්ද ලක්ෂිත යි.ක්‍රීඩිකාවන් ලෙස මෙ තරගාවලියේදී ශ්‍රී ලංකාව නියෝජනය කිරීමට වරම් හිමි වී තිබෙන්නේ ඉෂාරා මධුරංගි,පවනි සිරිසේන සහ රිද්මි කරදනආරච්චි යන ක්‍රීඩිකාවන්ටයි.
www.supirikrida.com
No comments:
Post a Comment