පාසල් ක්‍රීඩාවේ ප්‍රතිපත්තිමය කාරනා උල්ලංඝණය කරමින් වයස අවුරුදු 13 න පහළ ක්‍රීඩකයන් ජාතික තරගාවලියක් සදහා යොදා ගැනීම පිළිබදව පාසල් හොකී සංගමයට චෝදනා එල්ල වෙමින් ඇත.අවුරුදු 14 න් පහළ තරගාවලියක් ලෙස ක්‍රියාත්මක මෙම තරගාවලියේ අවසාන තරග හෙට මහනුවරදී පැවත්වෙන අතර අවරුදු 14 න් පහළ ළමුන් ලෙස ප්‍රතිපත්තිමය කාරණා නොසළකා හරිමින් මෙම තරගාවලියේ දිගින් දිගටම අවුරුදු 13 න් පහළ ළමුන් ක්‍රීඩා කර තිබෙන බවට සුපිරි ක්‍රීඩා සතුව සාක්ෂි ඇත.අවුරුදු 11 න් පහළ සහ 13 න් පහළ වයස් ඛාණ්ඩ තරග නොපවත්වන ලෙස උපදෙස් දී තිබියදී අවුරුදු 14 න් පහළ ලේබලයට වහං වී මෙසේ කටයුතු කිරීම පිළිබදව ශාරිරික අධ්‍යාපන හ ක්‍රීඩා අධ්‍යක්ෂ රෝහණ කරුණාරත්න පවසන්නේ තමන්ට ද එවැනි තොරතුරු ලැබී ඇති බැවින් ඒ පිලිබදව ක්‍රියාමාර්ගයක් ගන්නා බවය.
එම කරුණු පැහැදිළි කර ගැනීමට අවශ්‍යය සාක්ෂි රැස් කර ඒ පිළිබදව සත්‍ය අසත්‍යතාවය විමසා බැලීමට කටයුතු කරන බවත් ඔහු වැඩි දුරටත් පැවසීය.
එසේම තරගයේ ප්‍රමිතිය පිලිබදවද ගැටළු මතු වී ඇති අතර බී කාන්ඩයේ තරගාවලියක් වෙනුවට මෙම තරගාවලියට නවක පාසල් සියල්ලම ඇතුළත් කර ගැනීමෙන් තරගාවලියේ තත්ත්වය බාල වී ඇති බවට ද තරගාවලිය සම්බන්ධයෙන් අදහස් දක්වන බොහෝ අය සුපිරික්‍රීඩා වෙත පෙන්වා දෙයි.
www.supirikrida.com
No comments:
Post a Comment