පකිස්තානය සටනක් දී ජය ගනියි ඉන්දියාව සටනකින් තොරව පරදියි

 ලෝක කුසලාන 20 / 20 තරගාවලියේ සුපිරි අට වටයේ දී  දකුණු අප්‍රිකාව සහ පකිස්තානය අතර පැවති තරගයෙන් දකුණු අප්‍රිකානු පන්දු යවන්නන් සිය පිතිකරුවන් විසින් ලබා දුන් ලකුණු 133 රැක ගැනීම සදහා ලබා දුන් විශිෂ්ඨ සටන නිසා පකිස්තානයට ජයග්‍රහණය පිණිස 20 වන ඕවරයේ සිව්වන පන්දුව තෙක් බලා සිටින්නට සිදු විය.එසේම කඩුලු 8 ක් අහිමි කර ගන්නට සිදු විය.
මෙවර තරගාවලියේ මේ දක්වා පැවති තරගවල දී විශිෂ්ට තුන් ඉරියව් දක්ෂතා දක්වමින් ඕස්ට්‍රේලියාව වෙනුවෙන් සුපිරි ක්‍රීඩා රටාවක නියැලෙන ෂේන් වොට්සන් තෙවන වරටත් තරගයේ වීරයා බවට පත් වෙමින් ඉන්දියාවට විශාල පරාජයක් අත් කර දුන්නේය.පලමුව පන්දුවට පහර දුන් ඉන්දීයාව ලකුණු 140 ට සීමා කරන්නට මූලිකත්වය ගත් වොට්සන් ලකුණු 34 ට කඩුලු 3 ක් ලබා ගත්තේය.අනතුරුව පන්දු ඕවර 14.5 දි අවශ්‍යය ඉලක්කය කරා ඕස්ට්‍රේලියාව රැගෙන එන්නට පෙරමුණ ගත් වොට්සන් පන්දු 42 දී ලකුණු 71 ක් ලබා ගනිමින් ඕස්ට්‍රේලියාවේ ජය තහවුරු කළ අතර ඒ අනුව ඉන්දියාව පරදවා කඩුලු නවයක අති විශිෂ්ඨ ජයක් ලබන්නට ඕස්ට්‍රේලියාවට හැකිවිය.
http://www.espncricinfo.com/icc-world-twenty20-2012/engine/current/match/533287.html හරහා ඉන්දීය ඕස්ට්‍රේලියා තරගයේ ලකුණු සටහනට පිවිසීමට හැකි අතර මෙම තරගය සම්පූර්ණයෙන් ඕස්ට්‍රේලියාවේ පාලනයට යටත්ව ක්‍රියාත්මක වූ තරගයක් විය.උපක්‍රමශීලීත්වය ඉක්මවා ගිය සටන්කාමීත්වය සහ වාසනාව රැදි නායකයෙක් ලෙස ප්‍රකට මහේන්ද්‍ර සිං දෝනි ගන්නා ලද තීරණ වලින් වාසනාව මතු කර ගැනීමට  අසමත් වීම නිසා තරගයේ සෑම තත්පරයකම ඕස්ට්‍රේලියාව ඉදිරියෙන් සිටිය අතර දෝනි ආරම්භක පිතිකරුවන් ලෙස වොට්සන් සහ ඩේවිඩ් වෝනර් (63) දවා ගන්නට පන්දු යවන්නන් අට දෙනෙකු යොදා ගත්තද එය සාර්ථක කර ගන්නට ලකුණු 133 ක් වාර්තා වන තෙක් බලා සිටින්නට දෝනි ට සිදු විය.
පකිස්තානය සහ දකුණු අප්‍රිකාව අතර තරගයේදී ආරම්භක පන්දු යවන්නා ලෙස දග පන්දු යවන හසන් රාසා කැදවීමට මොහොමඩ් හෆීස් ගත් තීරණය ඉදිරියේ දකුණු අප්‍රිකානු පිතිකරුවන් පසු බැස්මක් පෙන්නුම් කළ අතර රාසා ට කඩුලු දවා ගැනීමට නොහැකි වුව ද,ඔහු යවන ලද පන්දු ඕවර් 3 තුළ ලබා දුන්නේ ලකුණු 12 ක් පමණි.ඒ පීඩනයේ ප්‍රතිපලය ලෙස පන්දු ඕවර් 6.1 ක් ගත වන විට කඩුලු 3 ක් දැවී ලකුණු 28 ක් පමණක් ලකුණු පූවරුවේ සටහන් වූ අතර ඒ පීඩනය නිසා දකුණු අප්‍රිකානු ඉණිම ලකුණු 133 ට සීමා විය.
එම ලකුණු 133 රැක ගැනීම වෙනුවෙන් දකුණු අප්‍රිකානු පන්දු යවන්නන් හොද සටනක් ලබා දුන් අතර එයට එරෙහිව උමාර් අක්මාල් නොදැවී ලකුණු 43 ක් ලැබූ අතර උමාර් ගුල් පකිස්තානය පීඩනයෙන් මුදවා ගනිමින් පන්දු 17 දී ලැබූ ලකුණු 32 නොවන්නට අක්මාල් ගේ උත්සාහය වතුරේ යන්නට තිබිණ.ඒ නිසාම පන්දුවෙන් ලකුණු 19 ට එක් කඩුල්ලක් දවා ගැනිමද සැළකිල්ලට ගනිමින් උමාර් ගුල් තරගයේ වීරයා ලෙස නම් කරන්නට යෙදිණ.
පහත සබදතාවයෙන් තරගයේ ලකුණු විස්තරයට පිවිසිය හැකිය.
http://www.espncricinfo.com/icc-world-twenty20-2012/engine/current/match/533286.html
www.supirikrida.com