ක්‍රීඩකයෙකුට හෝ ක්‍රීඩිකාවකට ජාත්‍යන්තර තරග 100 ට සහභාගි වීම අසීරු කරුණකි.දැල් පන්දු වැනි ක්‍රීඩාවක දී ශ්‍රී ලංකාව වැනි රටක් සහභාගි වන සීමිත තරගාවලි ප්‍රමාණය සළකද්දී එම කාර්යය සැපිරීම සදහා විශාල කාලයක් ගත කරන අතර එවැනි කාලයක් සිය ශාරිරික යෝග්‍යතතාවය රදවා ගෙන කණ්ඩායමේ රැදී සිටීම දුෂ්කර කාර්යයකි.එවැනි සියළු බාධක මැඩ මෙම ආසියානු කුසලානයේදිත් ශ්‍රී ලංකා කණ්ඩායම සතු වේගවත්ම ක්‍රීඩිකාවක් වෙමින් සෙන්ටර් යන ස්ථානයේ ක්‍රීඩා කිරීමටත් කණ්ඩායමේ සම නායිකාව ලෙස නටයුතු කිරිමටත් වරම් ලද 'ගයත්‍රි ලංකාතිලක' නේපාලය සහ ශ්‍රී ලංකාව අතර පැවති තරගයේදී සිය සියවැනි ජාත්‍යන්තර තරගය සැපිරීමට සමත් විය.පාසල් දැල් පන්දු කේෂ්ත්‍රයේ කීර්තිමත් නමක් දිනූ කළුතර බාලිකාවෙන් දැල් පන්දු පිටියට දායාද කළ ගයත්‍රි ගේ පළමු දැල්පන්දු තරග අත්දැකිම 1988 දක්වා දිවෙන අතර,1994 වන විට ඇය ශ්‍රී ලංකා කණ්ඩායමට පිවිස ඕස්ට්‍රේලියානු තරග සංචාරයක දි හ්‍රී ලංකා කණ්ඩායමේ උප නායිකාව ලෙස කටයුතු කරන්නට තරම් පරිනතව වැඩෙන්නීය.1997 වසරේදී ශ්‍රී ලංකාව නියෝජනය කරමින් ආසියානු සූරතාවිලයට සහබාගි වන ගයත්‍රි,මෙවර සහභාගි වන්නේ සිය සිව්වන ආසියානු සූරතා තරගාවලියට යි.මීට පෙර ඇය සහභාගි වු 1997,2001 සහ 2009 ආසියානු සූරතා තරගාවලි තුනේදී ම ශ්‍රී ලංකාව ආසියානු සූරියන් වීම කැපී පෙනෙන සිදුවීමක් වන අතර 2004 සහ 2007 යන වසරවල ශ්‍රී ලංකා කණ්ඩායමේ නායකත්වය ද දරා ඇති ගයත්‍රි 2011 වසරේ සිංගප්පූරුවේ පැවති ලෝක කුසලාන තරගාවලියකදි ශ්‍රී ලංකාව වෙනුවෙන් එක් තරගයක තරගයේ දක්ෂතම ක්‍රීඩිකාව විමේ දුර්ලභ අවස්ථාව ලද අතර ඇයට අමතරව එම තරගාවලියේදී එවන් හැකියාවක් ප්‍රදර්ශනය කිරීමට සමත් වූයේ සදුනි බොල්ලෑගල පමණි.
www.supirikrida.com
No comments:
Post a Comment