 |
| ශ්‍රී ලංකාවේ අනාගත විශිෂ්ඨත්වය තිසාලා සහ සේමිණි (වමේ පිටුපස) |
මෙහිදී සේමිණි අල්විස් ද ප්‍රගතියක් පෙන් වූ අතර ඇය විශේෂයෙන් දුර විදුම් වල දි ඉතාමත් සාර්ථක වෙමින් ලකුණු ලබා දීමට සමත් වීම කැපි පෙණින.මේ වන විට ශ්‍රී ලංකා කණ්ඩායමේ ක්‍රීඩිකාවන් විවිධ ස්ථාව වලට ආදේශ කරමින් ක්‍රීඩා පිටියේ ක්‍රීඩාවට යෙදවීමක් සිදු කරන බව පසුගිය තරග වලදී පැහැදිළිව දකින්නට ලැබුණු අතර එහිදි තරුණ ක්‍රීඩිකාවන් වැඩි ප්‍රමාණයක් පිටියේ සිටින විට ශ්‍රී ලංකා කණ්ඩායමේ තරග රටාව ජව සම්පන්න වීම කැපී පෙනෙන තත්ත්වයකි.නමුත් ශසිකා,ගයත්‍රි සහ මරීසා ශ්‍රී ලංකා කණ්ඩායමේ ප්‍රධාන සම්බන්ධතා පුරුක් ලෙස අන් අයට වඩා ඉදිරියෙන් සිටිම කැපී පෙනෙන අතර තරග උපක්‍රම අතින් මෙන්ම පන්දුවට යොමුවිම යොමු කිරිම වැනි කාරනා වලදී ඔවුන් සතු ක්ෂනික නිවැරදි තීරණ ගැනීමේ හැකියාව ආසියාවේ සෙසු ක්‍රීඩිකාවන් හා සංසන්දනය කිරිමේදී ද ඉදිරියෙන් වේ.
එසේම ශ්‍රී ලංකා තේරීම් කමිටුව විසින් ගත් තීරණයන් ඉදිරියේ ප්‍රශ්නාර්ථයක් තබමින් ශ්‍රී ලංකා කණ්ඩායම නම් කිරිම පමා වූ අයුරක් දකින්නට තිබුණු අතර එම තත්ත්වය හෙළිදරව් කිරීම නිසා අප වෙබ් අඩවිය ඇතැම් අය විසින් කණ්ඩායමේ යහපත් මානසික මට්ටමට ප්‍රහාර එල්ල කරන මාධ්‍යයක් ලෙස හදුන්වා දෙන්නට ද උත්සාහ ගනු දක්නට ලැබිණ.
නමුත් ක්‍රීඩා අමාත්‍යවරයාගේ මෙන්ම අධ්‍යක්ෂ ජෙනරාල්වරියගේ ද ආශිර්වාදය තේරිම් කමිටුවේ තීරණ සදහා ලැබුණු අතර එහිදී තේරීම් කමිටුව අභියෝගයට ලක් කරන්නට හේතු වු ක්‍රීඩිකාව වූ සමන්ති නිලුෂිකා වාර්තාගත තරගයේදී කාර්තු හතරම ඉහළම ශරීර යෝග්‍යතාවයකින් ක්‍රීඩා කළ ක්‍රීඩිකාව ලෙස පිටියේ කැපී පෙනෙමින් තේරීම් කමිටුවේ තීරණයේ නිර්වද්‍යතාවය පැහැදිලි කළාය.කෙසේ වුව ද ඉන් අනතුරුව පැවති තරගයේදී පකිස්තානය ලකුණු 2 ට සිමා කරමින් සිංගප්පූරුව ලකුණු 111 ක් රැස් කළේ තමන්ද ආසියානු කුසලානය දිනා ගැනීමේදි ශ්‍රී ලංකාවට අභියෝග කිරීමට සුදානම් බව පැහැදිළි කරමින්ය.
එහිදී සිංගප්පූරු ගෝල් කීපර් ක්‍රීඩිකා චෙන් ලී ලී නැවත වතාවක් තමා තර්ජනී ට අභියෝගයක් විය හැකිය යන අවදානම් සංඥාව මෙම තරගයේදී ද නිකුත් කරන්නට වූ අතර එය ශ්‍රී ලංකා කණ්ඩායමේ අවධානයට ලක් විය යුතු කරුණකි.තරගාවලිය පැවත්වෙමින් තිබෙන ආකාරයට මේ වන විටත් බෙහෝ විට අවසාන තරගය ශ්‍රී ලංකාව සහ සිංගප්පූරුව අතර තරගයක් විය හැකි බවට ඉගි පහළ වෙමින් තිබෙන අතර අවසාන පූර්ව තරග සදහා ශ්‍රී ලංකාව,සිංගප්පූරුව මේ වන විටත් සුදුසුකම් ලබා තිබෙන අතර ඉතිරි කන්ඩායම් දෙක බවට මැලේසියාව සහ හොංකොං පත් වීම ද විශාල විපර්යාසයකින් තොරව නවතාලිය නොහැකි වනු ඇත.
හොංකොං ඉන්දියා තරගයේදී හොංකොං ජයග්‍රහණය වාර්තා වූයේ ලකුණු 60 - 29 ක් ලෙසය.එහිදී අවධානයට ලක්විය යුතු කාරණයක් වන්නේ ශ්‍රී ලංකාව ඉන්දියාවට එරෙහිව ලකුණු 85 ක් ලැබූවද ඉන්දියාව හොංකොං සහ ශ්‍රී ලංකාවට එරෙහිව ලැබූ ලකුණු ප්‍රමාණය (29) සම වීමය.
ශ්‍රී ලංකාව ලකුණු 85 ක් වැනි ලකුනු ප්‍රමාණයකට යාමේදි ඉන්දියාවට ද ලකුණු 29 ක් වැනි ලකුණු ප්‍රමාණයක් කරා යාමට ලැබෙන හැකියාවෙන් පැහැදිළි වන්නේ තීරනාත්මක ඉදිරි තරග වලදි ශ්‍රී ලංකා ආරක්ෂක අංශය සිය සැළසුම් වල යම් යම් වෙනස් කම් කළ යුතු බවය.
එසේම මැලේසියාව සහ මාල දිවයින අතර පැවති තරගයේදි මාල දිවයින ලකුණු ලබා ගැනිමට ලැබුනු අවස්ථා පැහැර නොහරින්නට මැලේසියාව දැඩි පීඩනයකට පත් වන්නට තිබෙන බව පැහැදිළි විය.ලකුණු 70 - 22 ක් ලෙස මැලේසියාව ජයගත් එම තරගයේදී මාල දිවයිනේ ශක්තිවන්ත ක්‍රීඩා විලාශය කැපී පෙණින.මෙම තරගාවලියේදී ඉන්දියාව සහ මාල දිවයින් දක්වන දක්ෂතා මෙන්ම කෝඩුකාර බෘනායි කණ්ඩායමේ දක්ෂතාවල ගෞරවයේ කොටසක් ද ශ්‍රී ලංකාවට ලැබෙන්නේ නිතැතින්ය.මාල දිවයින දැල් පන්දුව පෝෂණය කිරිමේ ගෞරවය හිමිවන තිලකා ජිනදාස සහ ලූඩ්ස් ජයසේකර මෙන්ම යළි ඉන්දිය දැල් පන්දුව නගා සිටුවීමට සසිය පුහුනුකාර දැණුම ලබා දුන් ලූඩ්ස් ජයසේකර ද ගත් විට එම කණ්ඩායම් වල ප්‍රගතියේ පදනම හැටියට ශ්‍රී ලංකා දැල්පන්දුව ගෞරවයට පාත්‍රවීම සැළකිල්ලට ගත යුතුය.එසේම වසරක පමණ කාලයක් තුළ බෘනායි දැල් පන්දු කණ්ඩායම අද පැමිණ සිටින තත්ත්වයට පත් කිරීමට තිලකා කර තිබෙන කැපවීමද අනුව මෙම තරගාවලිය හරහා ශ්‍රී ලංකා ක්‍රීඩිකාවන්ගේ ක්‍රීඩා රටවෙන් පමණක් නොව පුහුණු හැකියාවෙන් ද ආසියාවට ආලෝකයක් ලබා දීම ශ්‍රී ලංකා දැල් පන්දුවට ඇති හැකියාව පැහැදිළි වන අතර වරක් ආසියාවේ ශ්‍රී ලංකාවේ දැල්පන්දු එදිරිවාදීන් ලෙස සිටින සිංගප්පූරුව ද සිය පුහුණුකාරිනයක ලෙස වත්මන් ශ්‍රී ලංකා පුහුණුකාරිනිය හයසින්ති විජේසිංහ තෝරාගත් බව ද මෙහිදී අමතක නොකළ යුතුය.
www.supirikrida.com
No comments:
Post a Comment