ආසියානු දැල් පන්දු වසන්තයේ දෙවන අදියර මීගමුවේදී අරඹමින් ආසියානු වෙරළ දැල් පන්දු තරගාවලිය සැප්තැම්බර් 1 දා මීගමුවේ කැටමාරන් වෙරළ තීරයේදී පෙ.ව. 8.00 සිට ප.ව.4.30 දක්වා පැවත්වීමට කටයුතු යොදා ඇත.ශ්‍රී ලංකා දැල් පන්දු සම්මේලනය මහජන බැංකුවේ ප්‍රදාන අනුග්‍රාහකත්වය යටතේ පවත්වනු ලබන මෙම තරගාවලිය කාන්තා සහ පිරිමි ලෙස කොටස් දෙකකින් පැවත්වෙන අතර කාන්තා අංශයට රටවල් හතරක් සහ පිරිමි අංශයට රටවල් හතරක් සහභාගි වීමට නියමිතය.ඒ අනුව ඉන්දියාව,පකිස්තානය,මාල දිවයින සහ ශ්‍රී ලංකාව කාන්තා අංශයෙන් මෙන්ම පිරිමි අංශයෙන් ද මෙම තරගාවලියට සහබාගි වීමට නියමිතය.
යමුනා සදමාලි ගේ පුහුණුකාරීත්වය යටතේ වෙරළට බසින ශ්‍රී ලංකා කාන්තා කණ්ඩායමට චාපා ගලප්පත්ති නායකත්වය ලබා දෙන අතර උප නායිකාව ලෙස නටයුතු කරන්නේ නිමාලි කුෂාන්ති ය.චතුරංගනී මල්කාන්ති,තිළිණි වත්තේගෙදර,සොනාලි නදීශා,විනුරි රණසිංහ,රධීකා ගයානි,කාංචනා ජයවීර,පීඩී උදානි සහ මධුමාලි සිංහබාහු සෙ‍සු ක්‍රීඩිකාවෝ වෙති.
ශ්‍රී ලංකා පිරිමි වෙරළ දැල් පන්දු කණ්ඩායමට ලක්මාල් දේශප්‍රිය,සුජිත් ගුණසේකර,බුද්ධික සූරියබණ්ඩාර,ෆ්රුන්ක් ඩිකල්ස්,නිතිල අබේසේකර,හංසක දිලෂාන්,සුජිත් ජීවන්ත,අසංක කුරගම,මහේෂ් කුමාර සහ මොහොමඩ් අෂාඩ් අයත් වෙති
www.supirikrida.com
No comments:
Post a Comment