ජනමාධ්‍ය මගින් පෙන්වා දීමෙන් අනතුරුව ක්‍රීඩා අමාත්‍යවරයා විසින් කරන්නට යෙදුණ කරුණු විමසීමට අනුව පළාත් තරග සදහා ඇතුළත් කළ නව ක්‍රීඩකයන් අතරින් උතුරු නැගෙනහිර කණ්ඩායමට ඇතුළත් කරන ලද ක්‍රීඩකයන් තමන්ට අවස්ථාව ලද පළමු මොහොතේම දස්කම් අතරට පිවිස උතුරු - නැගනහිර කණ්ඩායමට තරගාවලියේ පළමු ජයග්‍රහණය ලබා දීමට සමත් විය.මේ දක්වා අපරාජිතව සිටි වයඹ කණ්ඩායමට කඩුලු 7 ක පරාජයක් ළගා කර දෙමින් වයඹ කණ්ඩායමට මේ නිසා තරගාවලියේ පළමු ජයග්‍රහණය ලබා ගැනීමට හැකිවිය.
තේරීම් කමිටුව විසින් හදුනාගත හැකි හේතුවකින් තොරව තරග කිහිපයකට යොදවා ශ්‍රී ලංකා කණ්ඩායමෙන් බැහැර කරන ලද කෝසල කුලසේකර වයඹ කණ්ඩායම වෙනුවෙන් ලකුණු 104 ක් ලබමින් තමන් තුන් ඉරියව් ක්‍රීඩකයෙකු ලෙස යොදා ගැනීමට ඇති ඉඩ - කඩ පහදා දුන් අතර එම ලකුණු 104 ට වාරු වී හෝ වයඹ කණ්ඩායමට ලකුණු 200 දක්වා යාමට නෙහැකි වූ අතර ඔවුන්ගේ ඉණිම ලකුණු 188 දී නතර විය.
ලකුණු 189 ක් වූ ජයග්‍රාහී ඉලක්කය හඹා යාමට උතුරු - නැගනහිර පිළි වෙනුවෙන් සාර්ථක ආරම්භයක් ලබා දුන් තේරීම් කමිටුවේ පළමු තේරීම් වලට ඇතුළත් නොවූ ඉයන් ඩැනියල් (92) සහ පබසර වඩුගේ (25) පළමු කඩුල්ල වෙනුවෙන් ලකුණු 61 ක සබදතාවයක් පැවත්වීය.අනතුරුව තරගය නිමා කිරීමේ දී දෙවන කඩුල්ල දැවීමෙන් පසුව පිටියට පිවිස ජයග්‍රහණය වාර්තා වන විට නොදැවී ලකුණු 31 ක් ලබා ගත් සහන් විජේරත්න ද තේරීම් කමිටුවේ පළමු තේරීමේ දී කැපී ගිය ක්‍රීඩකයෙකි.
තරගයේ ලකුණු විස්තරය සදහා මෙම සබදතාවය යොදා ගත හැකිය.
http://www.espncricinfo.com/sri-lanka-domestic-2012/engine/current/match/600414.html
No comments:
Post a Comment