 |
| ස්ලෝනි ස්ටෙෆාන් |
ඕස්ට්‍රේලියානු විවෘත ටෙනිස් තරගාවලියේ අර්ධ අවසන් පූර්ව තරගයේදී සුපිරි ඇමෙරිකානු ක්‍රීඩිකා ෂෙරීනා විලියම්ස් 3 - 6, 7 - 5 ක් සහ 6 - 4 ක් ලෙස පරාජය කළ ඇමෙරිකාවේස ස්ලෝනි ස්ටෙෆාන් ගේ අවසාන තරගයට පිවිසීමේ බලාපොරොත්තුව වනසා දැමූ ලොව අංක එකේ ටෙනිස් ක්‍රීඩිකා බෙල්රුසියාවේ වික්ටෝරියා අසරෙන්කා ස්ලෝනි ට එරෙහිව ලකුණු 6 - 1 සහ 6 - 4 ක් ලෙස පරාජයට කතා කළාය.ෂෙරීනා පරාජය කරන විට ලොව අංක 29 ට ශ්‍රේණිගතව සිටි ස්ලෝනි එම ජයග්‍රහණයත් සමග ලොව 25 වන ස්ථානය දක්වා ඉහළ පැමිණියා ය.
 |
| නා ලී |
කාන්තා අවසන් පූර්ව තරග වටයේදී තවත් පෙරළියක් සිදු කළ චීනයේ නා ලී ලොව අංක දෙකට ශ්‍රේනිගතව සිටින රුසියාවේ මාරියා ෂරාපෝවා පරාජය කළාය.6 - 2 සහ 6 - 2 ක් ලෙස පහසුවෙන් ෂරාපෝවා ව පරාජයට පත් කළ ලී,ලොව අංක හයට ශ්‍රේණිගතව සිටින්නීය.ඒ අනුව අවසාන තරගයේදී ලී සහ වික්ටෝරියා තරග වදින අතර පිරිමි අවසන් තරගය ජාත්‍යන්තර ශ්‍රේණිගත කිරීම් හී අංක එකට සිටින සර්බියාවේ නොවැක් ඩිජොකොවික් සහ අංක තුනට සිටින බ්‍රිතාන්‍යයේ ඇන්ඩි මරේ සමග පැවත්වෙනු ඇත.
පිරිමි අංශයේදී කාන්තා අංශයේදී මෙන් පෙරළි විශාල වශයෙන් සිදු නොවූ අතර අවසාන ක්‍රීඩකයන් හතර දෙනා ලෙස ජාත්‍යන්තර ශ්‍රේණිගත කිරීම් හී පළමු ක්‍රීඩකයන් සිව් දෙනා තේරී පත් වූහ.එහිදී සුළු පෙරලියක් පෙන්නුම් කළ මරේ, අංක දෙක ක්‍රීඩක ස්විට්සර්ලන්තයේ රොජර් ෆෙඩරර් පරාජය කළ අතර අංක හතරට සිටින ස්පාඤ්ඤයේ ඩේවිඩ් ෆෙරර් ඩිජොවික්ට පරාජය විය.
No comments:
Post a Comment