කලක් ක්‍රීඩා වෛද්‍ය ඒකකය ක්‍රීඩකයාගේ විශ්වසනීය තැනක් නොවුණු බවත් ඒ නිසාම ක්‍රීඩකයන් වෛද්‍ය ඒකකයෙන් දුරස්වීමේ ප්‍රතිපලයක් ලෙස තහනම් උත්තේජන භාවිතය වැනි අවාසනාවන්ත තත්ත්වයන් වැඩි පුර දකින්නට ලැබුණු බවත් ක්‍රීඩක විනයේ යම් පිරිහුනු තත්ත්වයන් නිර්මාණය වූ බවත් පෙන්වා දුන් අමාත්‍යවරයා අද ඒ තත්ත්්වය වර්ථමාන ප්‍රධානියා වන මහාචාර්‍ය අර්ජුන ද සිල්වා යටතේ වෙනස් වෙමින් පවතින බවත් පෙන්වා දුන්නේය.විශේෂයෙන් ක්‍රීඩකයාගේ විශ්වසනීය ආයතනයක් බවට පත් වෙමින් සහ ආයතනය සහ ක්‍රීඩකයා අතර සහසම්බන්ධය යහපත් වෙමින් පැවතීම තුළින් ක්‍රීඩකයන් වැරදි සදහා යොමු වීම අවම වෙමින් පවතින බව ද ක්‍රීඩා අමාත්‍යවරයාගේ කතාව තුළින් ගම්‍ය විය.ඖෂධ සහ තහනම් උත්තේජන පිලිබද ක්‍රීඩකයා සහ පුහුණුකරුවා දැනුවත් කිරීමේ කාර්යය යහපත් කිරීම සදහා ගෙන යන වැඩ පිලිවෙල මත ඇති වී තිබෙන සාධනීය තත්ත්වයන් ද මෙහිදි අමාත්‍යවරයාගේ ප්‍රශංසාවට ලක් විය.එසේම මෙම වෙබ් අඩවිය දොරට වැඩීමේ උත්සවයට සමගාමීව සම්භාහක පුහුණුව ලද 66 දෙනෙකුට සහතික පත් ප්‍රදානයද එදිනටම යෙදී තිබුණු අතර ත්‍රිවිධ හමුදාව,පොලීසිය සහ බන්ධනාගාරය යන ආයතන සමග සම්බන්ධ පිරිස් මෙම පුහුණුව හා එක් වී සිටි අතර ඒ අතරින් හොදම ඇගයීම නාවික හමුදාවේ එමජීජීටී මාලගොඩ විසින් දිනා ගනු ලැබීය.
මහාචාර්‍ය අර්ජුන ද සිල්වා ගේ ආරාධනය අනුව මෙම අවස්ථාවට ක්‍රීඩා අමාත්‍යවරයා මෙන්ම ක්‍රීඩා අමාත්‍යංශ ලේකම් අනුර ජයවික්‍රම,සුගතදාස පාලනාධකාරියේ සභාපති බ්‍රිගේඩියර් ප්‍රියන්ත සමරතුංග.ක්‍රීඩා අධ්‍යක්ෂ ජෙනරාල් රංජනී ජයකොඩි,ක්‍රීඩා විද්‍යා ආයතනයේ අධ්‍යක්ෂ ශාන්ත වීරසිංහ යන අයද එක් වූහ
www.supirikrida.com
No comments:
Post a Comment