ශ්‍රී ලංකා ක්‍රිකට් වෙතින් නිරන්තර ආශිර්වාද හිමි ජෙහාන් මුබාරක් ට යළිත් ජාතික කණ්ඩායමක නායකත්වයක් පිරිනමන්නට තේරීම් කමිටුව කටයුතු කර ඇත.ඒ අනුව ඔහු ට මෙවර හිමි වන්නේ හොංකොං සය සාමාජික තරගාවලියට සහභාගි වන ශ්‍රී ලංකා කණ්ඩායමේ නායකත්වය ය.විශේෂත්වය වන්නේ 20 - 20 තරග සදහා ද අලුත් කණ්ඩායමක් පිළිබදව සිතිය යුතු බවට තේරීම් කමිටු සභාපතිවරයා ප්‍රකාශ කර දින කිහිපයකින් සය සාමාජික කණ්ඩායමක නායකත්වයට ජෙහාන් මුබාරක් නම් කිරීමය.ශ්‍රී ලංකා කණ්ඩායමට කෙළින් දිගු පහර සදහා යා හැකි ජව සම්පන්න ක්‍රීඩකයන් නැති බව ජනමතයක් බවට පත් වෙමින් තිබෙන මොහොතක ගෙවුණු එස්එල්පීඑල් තරගාවලියේ දී දක්ෂාත අතර සිටි කෞශල්‍යය වීරරත්න සහ යොවුන් ක්‍රීඩක ඇන්ජලෝ පෙරේරා වැනි ක්‍රීඩකයන් මෙම කණ්ඩායමට නොසළකා හැර තිබීමය.
ප්‍රහාරය මෙන්ම වේගයෙන් කඩුලු අතර දිව යා හැකි කඩිසර අනන්‍යතාවයක් සහිත ක්‍රීඩකයන් සය සාමාජික තරගයකට අත්‍යවශ්‍යය බව සාමාන්‍ය දැණුමක් ඇති අයෙකු හෝ දන්නා තත්ත්වයක මුබාරක් වැනි ක්‍රීඩකයෙකු එවැනි අනන්‍යතාවයක් තිබිය යුතු කණ්ඩායමක නායකයා වීම ගැටළුවක් නමුත් ජාතික කණ්ඩායමේ අවස්ථාවක් දිය නොහැකි තරමට දක්ෂයන් පිරී ඇති නිසා එවැනි වැඩි අවධානයක් යොමු නොවන කණ්ඩායමකට හෝ මුබාරක් හේත්තු කර දැමීමට තේරීම් කමිටුව කල්පනා කළා විය හැකිය.කාලයක් මුළු ජනමාධ්‍යයම මුබාරක් ජාතික කණ්ඩායමේ සිටීම ප්‍රශ්න කරද්දිත්,වෙනත් ක්‍රීඩකයෙකුට ලබන්නට තබා හිතන්නටවත් නොහැකි තරම් අවස්ථා ලබා දෙමින් මුබාරක් කණ්ඩායමේ තබා ගැනීමට මෙරට තේරීම් කමිටු කටයුතු කර තිබීම ආදර්ශයට ගනිමින් මෙවරත් තේරිම් කමිටුවේ ක්‍රීඩකයා නායකත්වයත් සමග සය සාමාජික නායකත්වයට කැදවා තිබෙන බවක් පෙනෙන්නට ඇත.
මුබාරක් ගේ නායකත්වයෙන් සහභාගි වන ශ්‍රී ලංකා සය සාමාජික කණ්ඩායමට චාමර කපුගෙදර,කෞෂාල් ලොකුආරච්චි,සචිත් පතිරණ,රමිත් රඹුක්වැල්ල,කෝසල කුලසේකර සහ කුසල් ජනිත් පෙරේරා ඇතුළත් වෙති.කණ්ඩායමේ කළමණාකරු ලෙස චන්න වීරක්කොඩි කටයුතු කරයි.
www.supirikrida.com
No comments:
Post a Comment