නව වන ආසියානු යොවුන් බාලිකා තරගාවලිය නියෝජනය කළ ශ්‍රී ලංකා යෞවනියන්ට ශ්‍රේණිගත කිරීම් තරගවලට ඇතුළත් වීමේ අවස්ථාව අහිමි වී තිබෙනවා.කණ්ඩායම් 13 ක් සහභාගි වූ මෙම තරගාවලියේ ශ්‍රේණිගතකිරීම් සදහ කැදවන කණ්ඩායම් 12 අතරට එක් වීමට කිසිදු තරගයක් ජය නොගත් ශ්‍රී ලංකා ක්‍රීඩිකාවන් අසමත් වී තිබෙනවා.තරගාවලිය පුරාම එකම තරග වටයක් පමණක් ජය ගත් ශ්‍රී ලංකාව එම තරග වටය මුහුණ දුන් අවසන් තරගයේදි ඕස්ට්‍රේලියාවට එරෙහිව වාර්තා කිරිමට සමත් වුණා.වරගීකරණ වටයේ දී එච් කාණ්ඩයෙන් තරග බිමට පිවිසි ශ්‍රී ලංකාව ඊයේ ඕසට්‍රේලියාව සමග තරගයට පිවිසෙන විට ඒ වන විට දක්වා තිබූ දක්ෂතා පදනම් කරගෙන සළකා බලද්දී තරගය ජය ගත හැකි මට්ටමක සිටියා.ඒ තත්ත්වය තව දුරටත් පැහැදිළි කරමින් ඔවුන් ප්‍රථම වටය ලකුණු 25 - 16 ක් ලෙස ඕස්ට්‍රේලියාවට එරෙහිව ජය ගත්තා.නමුත් ඉතිරි වට තුන ප්‍රබල ලෙස තරගයට අවතීර්ණ වූ ඕස්ට්‍රේලියාව ලකුණු 25 - 21 ,26 - 24 සහ 26 - 24 ලෙස ජය ගැනීමට සමත් වුණා.
තරගය තුළ රැදී සිටීමට සහ අවස්ථානුකූලව ක්‍රියා කිරීමට ඇති වෘත්තිමය වට පිටාවකින් තොරවීම නිසා ලා බාල යොවුන් ක්‍රීඩිකාවන් ට තරගයේ ජය අහිමි වුව ත් ප්‍රථම වටයේ ඔවුන් ලැබූ පහසු ජය නිසා තරගයේ සමස්ත ලකුණු සටහනේ එකතුව විමසද්දී ශ්‍රී ලංකාව ලකුණු 94 - 93 ක් ලෙස ඕස්ට්‍රේලියාවට වඩා ඉදිරියෙන් සිටියා.එහි තරග වාර්තාව සදහා පහත සබදතාවය හරහා පිවිසිමට අවස්ථාව ලැබෙනවා http://www.asianvolleyball.org/upfile/bulletin/files/201210/1552642981_1350398272.pdf
www.supirikrida.com
No comments:
Post a Comment