දකුණු ආසියාවේ පළමු බේස්බෝල් ක්‍රීඩාංගනය දියගම මහින්ද රාජපක්ෂ අන්තර්ජාතික ක්‍රීඩා සංකීරණයේදී අද ජනාධිපති මහින්ද රාජපක්ෂයන් අතින් විවෘතවීම නිමිති කොට ,ශ්‍රී ලංකාව සහ ජපානයේ කනගාවා බේස්බෝල් ඇකඩමි තරුණ කණ්ඩායම අතර පැවත්වෙන තරගය සජීවී ව විකාශය කිරීමට CSN නාලිකාව කටයුකු යොදා ඇත.එය ශ්‍රී ලංකාවේ බේස්බෝල් තරගයක් සජීවී ව විකාශය කරන ප්‍රථම අවස්ථාව ලෙස ඉතිහාසයට එක් වන්නේය.
මෙහිදි මෙම ක්‍රීඩාංගණය ඉදිකිරීමේ සිහිනයේ හිමිකාරත්වයේ සිට එය යථාර්ථයක් කිරීම දක්වා විශාල වෙහෙසක් දැරූ ශ්‍රී ලංකා පුහුණුකරු වටනබේ මෙම තරගයේදී ශ්‍රි ලංකා කණ්ඩායමේ ජාතික පුහුණුකරු ලෙස ශ්‍රී ලංකා කණ්ඩායමට එක්වන අතර ඔහු සාමාජිකත්වය දැරූ කනගාවා බේස්බෝල් ඇකඩමි කණ්ඩායම ශ්‍රී ලංකාවට එරෙහිව තරග බිමට පිවිසෙයි.එසේම මෙම ක්‍රීඩාංගණයේ ඉදිකිරීම් වෙනුවෙන් රුපියල් ලක්ෂ 80 ක පමණ මුදලක් සොයා දීම සදහා කැප වි ක්‍රියා කළ ශ්‍රී ලංකාවෙ සිටින එකම අන්තර්ජාතික බේස්බෝල් විනිසුරු වන සුජීව විජේනායක මෙහිදී මෙම තරගය විනිශ්චයට එක් වීමද විශේෂත්වයකි.
ජනාධිපතිවරයා අතින් විවෘත වන මෙම උත්සව අවස්ථාවට ජපාන තානාපතිවරයා ඇතුළු එරට නියෝජනය කරමින් මෙරට බේස්බෝල් දියුණුව අපේක්ෂාවෙන් ක්‍රියා කරන විශාල ප්‍රභූ පිරිසක් ද එක්වීමට නියමිත අතර ක්‍රීඩාංගණය විවෘත කිරීම සහ තරගය පිළිබද සජීවි අත්දැකීම පගවග 3 . 30 සිට CSN ඔස්සේ විද ගැනීමේ අවස්ථාව ඔබට හිමි වනවා ඇත.
No comments:
Post a Comment