ඕස්ට්‍රේලියානු සංචාරයෙන් පසුව ටෙස්ට් පිටියෙන් සමු ගැනීමට තීරණය කර තිබෙන බව තිලකරත්න ඩිල්ෂාන් පවසා ඇත.මේ සටහන තැබෙන විට ටෙස්ට් තරග 81 ට ක්‍රීඩා කර ඇති ඩිල්ෂාන්ගේ ටෙස්ට් දිවිය බොහෝ විට ඉතිරි ටෙස්ට් තරග දෙකද එකතු වූ පසු තරග 83 කින් නිමවන ටෙස්ට් තරග චාරිකාවක් වනු ඇත.කඩුලු රැකීම සහ පිතිකරණය යන කාරනා මුල් කර ගෙන ශ්‍රී ලංකා කණ්ඩායමට එක් වූ ඩිල්ෂාන් කණ්ඩායමේ මෙන්ම සිය ස්ථාවරත්වය පිණිසද දක්ෂ දග පන්දු යවන්නෙකු වු අතර පසු කලෙක ශ්‍රී ලංකා කණ්ඩායමට සුපිරි තුන් ඉරියව් දක්ෂතා සහිත ක්‍රීඩකයෙකු ලෙස ද සිය ක්‍රීඩා දායකත්වය ලබා දුන්නේය.කළුකර විද්‍යාලයෙන් ක්‍රීඩා පිටියට පිවිසි ඩිල්ෂාන්,ශ්‍රී ලංකා කණ්ඩායමේ නායකත්වය දරන්නට තරම් පොහොසත් ක්‍රිඩකයෙකු වෙමින් පැමිණි සිය දිරිමත් ක්‍රිකට් ගමණේ උපරිමයට පැමිණෙද්දී ලොව හොදම 20 - 20 ක්‍රිකට් ක්‍රීඩකයා ලෙස කිරුළු පැළදීමට සමත් විය.එසේම ඔහු විසින් ක්‍රිකට් ලෝකයට හදුන්වා දුන් ඩිල්ස්කූප් පහර අද ක්‍රිකට් පිටියේ ඉක්මන් ලකුණු හොයන ජනප්‍රියතම පහරක් වී ඇති අතර අද විශිෂ්ඨ පිතිකරුවන් වෙනම එම පහර හදාරන සහ පුහුණුවන තත්ත්වයට ක්‍රිකට් ලෝකය වර්ධනය වී ඇත.
www.supirikrida.com
No comments:
Post a Comment