ජපානය 2020 වර්ෂයේ ඔලිම්පික් තරගය ටෝකියෝ නගරයට දිනා ගැනීමට දරණ වෑයමේදී ඔවුන් ඒ වෙනුවෙන් ඉදිරිපත් කරන සැළසුම් අන්තර්ජාතික වශයෙන් පැසසුමට ලක් වී ඇත.ජාතික ඔලිම්පික් කමිටු 28 ක සහ පැරා ඔලිම්පික් සම්මේලන 16 ක් මෙසේ ටෝකියෝ සැළසුම වෙනුවෙන් දෙසැම්බර් 19 දා කරන ලද හදුන්වා දීමේදී සිය එකගත්වය පළ කර ඇත.ජපන් ඔලිම්පික් කමිටු ප්‍රධානි සුනෙක්ෂු ටකේඩා සිය පෞද්ගලික ස්තූතිය සිය සැළසුම් අනුමත කළ ඔලිම්පික් සංවිධාන වෙනුවෙන් පුද කරමින් 2020 දී තමන්ගේ අභිප්‍රාය 2020 දී ටෝකියෝ නගරය ක්‍රීඩා පවුලේ කේන්ද්‍රස්ථානය බවට පත් කිරීම සිය අරමුණ බව පැවසීය.
දැනට මෙම තරගාවලිය දිනා ගැනීම සදහා තූර්කියේ ස්තාන්බුල් නගරයත්,ස්පාඤ්ඤයේ මැඩ්රිඩ් නගරයත් ටෝකියෝ නගරය සමග තරග වැදී සිටින අතර එළැඹෙන 2013 වසරේ සැප්තැම්බර් 7 දා බුවනෝර්ස් අයර්ස් නගරයේ පැවත්වෙන 125 වන ඔලිම්පික් සැසියේදී මේ නගර අතරින් සත්කාරකත්වය හිමි නගරය කුමක්ද යන්න තීරණය වනු ඇත.
www.supirikrida.com
No comments:
Post a Comment