ඉන්දීයාව සහ ශ්‍රී ලංකාව අතර කොළම ආර් ප්‍රේමදාස ජාත්‍යන්තර ක්‍රීඩාංගණයේ පැවති තෙවන එක්දින තරගයේ දී සුරේස් රයිනා සහ ඉර්ෆාන් පතාන් හයවන කඩුල්ල පන්දු 69 ක් තුළ පැවත්වූ ලකුණු 88 ක අගනා නොදැවුණු සම්බන්ධය නිසා හ්‍රී ලංකාවට එරෙහිව කඩුලු 5 ක ජයක් ලබන්නට ඉන්දියාවට හැකිවිය.ලකුණු 286 ක ඉලක්කයක් හඹා ගිය ඉන්දියාව වෙනුවෙන් ඉණිම ඇරඹු ෂෙවාග් සහ ගම්බීර් දෙදෙනා අතරින් ෂෙවාග් යළිත් තිසර පෙරේරා හමුවේ අසාර්ථක වී ලකුණු 3 ට දැවී ගිය ද,විරාට් කෝලි සහ ගම්බීර් දෙවන කඩුල්ලට ලකුණු 105 ක් එක් කරමින් ඉන්දීය කණ්ඩායම යළිත් ජයග්‍රාහී මාවතට අවතීර්ණ කළේය.විශේෂයෙන් ඉසුරු උදාන,තිසර පෙරේරා සහ තිලකරත්න ඩිල්ෂාන් ගේ පන්දු රැකීම මෙන්ම රංගන,ඩිල්ෂාන් සහ ජීවන් මෙණ්ඩිස් ගේ පන්දු යැවීමත් නිසා ඉන්දියාවේ ලකුණු ලබා ගැනීමේ වේගය යම් තරමකට පාලනය වීම නිසා ඔවුන්ට ජයග්‍රහණය සදහා පවත්වා ගත යුතු ලකුණු ලබා ගැනීමේ දළ වේගය ඉහළ යාමෙන් පීඩනයක් ගොඩ නැගෙනු දැකිය හැකි විය.නමුත් මහේල වැඩි විශ්වාසයක් තබන වේග පන්දුවෙන් යැවීමට වැඩි කැමැත්තක් දැක් වූ නිසා ශ්‍රී ලංකා කණ්ඩායමේ එක දග පන්දු යවන්නෙක් හෝ තරගයේ පන්දු ඕවර් 10 නිමා කිරිමට යොදා ගැනුණේ නැත.
ඉන්දීය ඉණිමේ මුළු ලකුණු ප්‍රමාණය 180 දී ලසිත් මාලිංග පිට පිටම කඩුලු දෙකක් (දෝනි - 31 සහ රෝහිත් ෂර්මා -0) ලබා ගනිමින් සහ ඉසුරු උදානගේ නිවැරදි එල්ලය කඩුල්ල මත පතිත වෙද්දී ගම්බීර් ට එම ක්‍රියාකාරීත්වයේ වේගය ඉක්මවා යන්නට නොහැකි වීම හේතුවෙන් අගනා ලකුණු 102 කින් පසු දුවද්දී දැවී යන්නට සිදුවීමත් මත තරගය ශ්‍රී ලංකාව දෙසට හැරෙන ලකුණු පහළ විය.නමුත් සුරේෂ් රයිනා ඉර්ෆාන් පතාන් ගේ දායකත්වය ද උපරිමයට ලබා ගනිමින් පන්දු 45 ක් තුළ ලකුණු 65 ක් ලබමින් තරගයේ වීරයා ද වෙමින් ඉන්දියාවේ ජය තහවුරු කරද්දී තරගය නිම වන්නට තව පන්දු 2 ක් පමණක් ඉතිරිව තිබිණ.
කාසියේ වාසිය ලබා පන්දුවට පහර දුන් ශ්‍රී ලංකා කණ්ඩායමේ කඩුලු 3 ක් ලකුණු 20 ක් තුළ දැවී යාමෙන් දැඩි අර්භූදයකට මුහුණ දුන්නද ශ්‍රී ලංකාවේ පළපුරුදුම පිතිකරු යුගලය වන කුමාර සංගක්කාර (73) සහ නායක මහේල ජයවර්ධන (65) එක්ව පන්ද ඕවර් 23.5 ක කාලයක් තුළ ලකුණු 121 ක් ලබමින් ශ්‍රී ලංකාවට යම් ස්ථාවර මට්ටමක් ඇති කළේය.
එසේම අවසාන පන්දු ඕවර් 12 තුළ ප්‍රවේගවත් ලකුණු 104 ක් එකතු කළ ඇන්ජලෝ මැතිව්ස් (නොදැවී 71 ) සහ ජීවන් මෙණ්ඩිස් (නොදැවී 45) ශ්‍රී ලංකාවට ජයග්‍රාහී බලිපොරොත්තු ඇති කරන්නට සමත් විය.තරගයේ සමස්ත ලකුණු විස්තරයට පහත සදහන් සඉදතාවයෙන් පිවිසීමට හැකියාව ඇත.http://www.espncricinfo.com/sri-lanka-v-india-2012/engine/current/match/564783.html
www.supirikrida.com
1 comment:
hmmmm aparade :(
Post a Comment