නිලූක කරුණාරත්නට නායකත්වය ලබා දෙන්නට ජාතික ඔලිම්පික් කමිටුව ගත තීරනය නිවැරදි බව ඔහු විසින් ඔප්පු කළ බව ජාතික ඔලිම්පික් කමිටු සභාපති හේමසිරි ප්‍රනාන්දු සුපිරික්‍රීඩා සමග එක් වෙමින් පැවසීය.ඊයේ ලන්ඩන් නුවර සිට සුපිරි ක්‍රීඩා සමග සම්බන්ධ වූ හේමසිරි ප්‍රනාන්දු නිලූක ගේ ජයග්‍රහණය කණ්ඩායමක් වශයෙන් බෙදා ගන්නට ශ්‍රී ලංකා කණ්ඩායමේ ක්‍රීඩක ක්‍රීඩිකාවන් සූදානම් බව පෙන්වා දුන්නේය.සියල්ල හොදින් සිද්ධ වෙනවා,නිලූක ගේ ඊ ළග ප්‍රතිවාදියා කවුද යන්න 31 දා දහවල් වන විට හරියටම කියන්න පුළුවන් වෙයි.නිලූක ගේ ජයග්‍රහණයත් සමග ලංකාව දෙසට විශාල අවධානයක් යොමු වී තිබෙන බව පෙන්වා දෙන හේමසිරි ප්‍රනාන්දු,ජපානය යනු ලොව ප්‍රබල රටක් වීමත් පරාජය කළ ක්‍රීඩකයා ලොව අංක අටේ ක්‍රීඩකයා වීමත් එයට හේතු වී තිබෙන බව පැවසීය.
www.supirikrida.com
No comments:
Post a Comment