 |
| උන්මුක් චාන්ද් |
අවුරුදු 19 න් පහළ ආසියානු කුසලාන තරගාවලියේ ශ්‍රී ලංකා
කණ්ඩායම සහ ඉන්දියාව අතර පැවති තරගයෙන් කඩුලු 6 ක ජයක් වාර්තා කරන්නට ඉන්දියාව
සමත් විය.කාසියේ වාසිය ලැබීමෙන් ඉනික්බිති පළමුව පන්දුවට පහර දුන් ශ්‍රී ලංකා ක්‍රීඩකයන්
මෙම තරගාවලියේ මෙතෙක් නොදුටු සාර්ථකත්වයක් පෙන්වමින් ලකුණු 244 ක් ලබා ගත්තේ කඩුලු
7 ක් පමණක් දැවෙමින්ය.පබසර වඩුගේ ආරම්භක පිතිකරුවා ලෙස ලකුණු 45 ක් ලැබුවත් ලකුණු
121 ට කඩුලු 4 ක් වූ ශ්‍රී ලංකා ඉණිමට ජීවය එකතු වූයේ පස්වන කඩුල්ල සදහා තරගාවලිය
පුරාම අතිශයින් සාර්ථක වූ ශ්‍රී ලංකා පිතිකරුවා වූ සදුන් කොඩිතුවක්කු සහ නිරෝෂන්
දික්වැල්ල එක් කළ ලකුණු 113 ක සබදතාවය
මගින් ය.
සදුන් ලකුනු 73 ක් ලැබූ අතර නිරෝෂන් දික්වැල්ල ලකුණු 66
ක් ලැබීය. පන්දු ඕවර් 15.2 ක් තුළ ගලා ආ මේ දෙදෙනාගේ සබදතාවයෙන් සදුන් ගේ ලකුනු 73
පන්දු 75 දී ගලා ආ අතර නිරෝෂන් සිය ලකුණු 66 ලැබුවේ පන්දු 50 කින්ය.හතරේ පහරවල් සහ
හයේ පහර වලට වඩා හොද කඩුලු අතර දිවීමෙන් එකතු කර ගත් කෙටි ලකුණු වලින් පෝෂණය වූ මේ
දෙදෙනාගේ සබදතාවය ශ්‍රී ලංකාවට සාර්ථක ඉණිමකට මග පෑදු අතර තරගාවලිය පුරා පිත්තට
වඩා පන්දුවෙන් ඉදිරියෙන් සිටි ශ්‍රී ලංකාවට එම ලකුණු ප්‍රමාණය බලාපොරොත්තු ඉහළ නං
වන්නක් විය.
නමුත් ඉන්දීය ඉණිම ඇරඹූ උන්මුක් චාන්ද් වටා ගොඩ නැගුණු
ඉන්දීය ඉණිම ලකුණු 244 දක්වා පහසුවෙන් ගමන් කළ අතර චාන්ද් ගේ ලකුණු 116 ක් අගනා
ඉණිම මෙන්ම ඔහු සහ විජේ ෂොල් (54) අතර තෙවන කඩුල්ලට ඇති වූ ලකුණු 105 ක සබදතාවයත්
මත ගොඩ නැගුණු ඉන්දීය ඉණිමට බලාපොරොත්තු වූ තරම් තර්ජනයක් වීමට ශ්‍රී ලංකා පන්දු
යවන්නෝ අසමත් වූහ.ඉන්දීය පන්දු යවන්නන් අතර දකුණත් පිට දග පන්දු යවන බබා අපර්ජිත්
සිය පන්දු ඒවර් 10 ලකුණු 29 ට නිමා කරමින් කඩුලු දෙකක් ලබමින් කළ පන්දු යැවීම නිසා
තරගාවලිය පුරා කඩුලු අතර සිටි තරිදු කෞෂාල් ගේ දකුණත් පිය දග පන්දුවට විශාල යමක්
කළ හැකි වේ යැයි බලාපොරොත්තුවක් ඇති වුව ද එය සිදු නොවිණි.කෙසේ හෝ තරිදු මේ
තරගයේදී ද දැවී ගිය කඩුලු හතරෙන් දෙකකම උරුමක්කාරයා වුව ද ඔහු ගේ පන්දු ඕවර 10 තුළ
ලකුණු 60 ක් එක් කර ගැනීමට ඉන්දීය පිතිකරුවෝ සමත් වූහ.
පහත දැක්වෙන්නේ තරගයේ නිල ලකුණු විස්තරයට ප්‍රවේශ වීමට
ඇති සබදතාවය ය. http://www.espncricinfo.com/ci/engine/current/match/567261.html
No comments:
Post a Comment