කණිෂ්ඨ කාන්තා පංච ප්‍රයාම ගෘහස්ථ ලෝක වාර්තාව අලුත් වෙයි

බෙල්ජියමේ නෆිස්සටෝව් තිහාම්  කාන්තා කණිෂ්ඨ පංච ප්‍රයාම ගෘහස්ත ලෝක වාර්තාව සිය නමට ලියා ගන්නට ඉකුත් ඉරිදා (පෙබරවාරි 03) මොනැකෝ හී දී සමත් වුණා.වසර 10 ක් ස්වීඩනයේ කැරොලිනා ක්ලෆ්ට් ගේ නමට තිබූ වාර්තාව මේ අනුව තිහාම් ට හිමි වන අතර 2002 දී කැරොලිනා විසින් ලකුණු 4535 ක් රැස් කර පිහිටුවා තිබූ එහි ලෝක වාර්තාව හිමි කර ගැනීම වෙනුවෙන් තිහාම් විසින් එකතු කර ගත් ලකුණු ප්‍රමාණය 4558 ක් වුණා.
එහිදී තිහාම් මීටර් 60 කඩුලු පැනීම තත්පර 8.65 කින් නිම කරමින් ද,උස පැනීම ඉසව්වේදී මීටර් 1.84 ක උසක් තරණය කරමින් ද,දුර පැනීමේදී මීටර් 6.30 ක දක්ෂතාවයක් පෙන්වමින් ද,යගුලිය මීටර් 14.00 ක් දුරය වීසි කරමින්ද දක්ෂතා දැක් වීමට සමත් වූ අතර මීටර් 800 ඉසව්වේදී ඇය වාර්තා කළ කාලය විනාඩි 2:21.18 ක් වුණා.
තිහාම් 2011 ජගත් යොවුන් මලල ක්‍රීඩා සූරතාවලියේදී සිව් වන ස්ථානයට පත් ව තිබෙන අතර ඇය එහිදී උස පැනීමේ ඉසව්වේ දී මීටර් 1.88 ක දක්ෂතාවයක් දැක්වීමට සමත් වුණා.
www.supirikrida.com