මෙවර පොළොන්නරුවේ පැවත්වෙන ශ්‍රී ලංකා යූත් ක්‍රීඩා උළෙලට සුරතලෙක් හදුන්වා දෙන්නට ජාතික තරුණ සේවා සභාව පියවර ගෙන තිබෙනවා.රේන්බෝ නම් වූ වළසා ඒ අනුව මෙවර ශ්‍රී ලංකා යූත් ක්‍රීඩා උළෙලේ සුරතලා බවට පත් වෙනවා.මෙවරත් මලල ක්‍රීඩා ඉසව් වලදී නව තරග වාර්තාවකට රුපියල් 10000 ක් පිරිනැමීම මේ වසර තුළත් ක්‍රියාවට නැගෙන අතර මෙවරත් නව ශ්‍රී ලංකා වාර්තාවක් තබන්නෙකුට මෝටර් රථයක් ලබා ගැනීමට අවකාශ සළසා තිබේ.එසේම වසර කිහිපයක සිට සිදුවන ආකාරයෙන් මෙවරත් අවුරුදු 20 න් පහළ සහ ඉහළ දක්ෂතම ක්‍රීඩක ක්‍රීඩිකාවන්ට යතුරුපැදි පිරිනැමීමද සිදු වනවා ඇත.මූල්‍යමය වශයෙන් ක්‍රීඩා උළෙලක ක්‍රීඩක ක්‍රීඩිකාවන් ඇගයීම නොනවත්වා පවත්වා ගෙන යමින් ක්‍රීඩා කේෂ්ත්‍රයට නවමු අත්දැකීම් ගෙන ආ ආකාරයට ශ්‍රී ලංකා යූත් මෙවර ක්‍රීඩා උළෙල හරහා දේශිය ක්‍රීඩා උළෙල සංස්කෘතියට සුරතලෙක් හදුන්වා දෙනවා.
මෙවර ක්‍රීඩා උළෙලේ ආරම්භය සනිටුහන් කරමින් 25 දා පොළොන්නරුව දිස්ත්‍රික්කයෙන් බිහි වූ සුවිශේෂිම වීසි කිරීමේ ක්‍රීඩිකාව වන සොනාලි කුමාරි වීරසේකර සමග යොවුන් ක්‍රීඩා උළෙලේ දක්ෂතා දැක් වූ අනුරාධපුර දිස්ත්‍රික්කයේ සිටින උස පැනීමේ සූරයෙකු වන ඩබ්ලිව්ඩීආර් විජේසිංහ ඔලිම්පික් ගිණි සිළුව දැල් වීමට සූදානමින් සිටිනවා.28 දා තරග උළෙලේ සමාප්තිය සිදු වීමට නියමිතයි.
www.supirikrida.com
No comments:
Post a Comment