කණ්ඩායම් ක්‍රීඩාවක් ලෙස ක්‍රිකට් ක්‍රීඩාවෙන් ඉනික්බිති ශ්‍රී ලංකාව ජාත්‍යන්තර මට්ටමේ වඩාත් දක්ෂතා දක්වා ඇති ක්‍රීඩාව ලෙස සැළකෙන දැල් පන්දු ක්‍රීඩාවේ ආසියානු යොවුන් ක්‍රීඩිකාවන් අතර අංක එක වීම සදහා ශ්‍රී ලංකාව උත්සාහ දරන ආසියානු යොවුන් දැල් පන්දු සූරතාවලිය අද බෘනායි හී දී ඇරඹෙනවා.අවස්ථා ගණනාවකදීම ආසියානු යොවුන් දැල් පන්දු කිරීටයට ළගා වීමට ශ්‍රී ලංකාව ගත් උත්සාහය ත්සාහ මෙවර සපල කර ගැනීමේ වගකීම පැවරී ඇත්තේ ජානකී ගුණසේකරගේ මග පෙන්වීම යටතේ පිටියට බසින සේමිනි අල්විස් ප්‍රමුඛ ශ්‍රී ලංකා ක්‍රීඩිකාවන්ටයි.
මෑත කාලයේ ලාංකේය දැල් පන්දුවේ වාසනාවක් බවට පත්ව සිටින තර්ජනී සිවලිංගම් ගේ දැල වදීම සහ උස කේන්ර්‍ද්‍රීය කර ගත් දැල් පන්දු ක්‍රීඩාවේ විලාසිතාව වී ඇත්තේ තරගයේ වැඩි වගකීමක් දැල විදින්නිය වෙත පැවරීමයි.මේ නිසාම ආරක්ෂක පෙළ සහ මැදි පෙළ යම් පසුබෑමකට ලක් වී සිටින අතර ඒ නිසා තර්ජනී ගේ උස ප්‍රයෝජනයට ගනිමින් දුර යොමු කිරීම් මගින් ලකුණු රැස් කිරීම ලාංකේය දැල්පන්දු විලාසිතාව බවට පත් වී තිබෙනවා.
මෙම යොවුන් සූරතාවලියේදී තර්ජනී නොමැති අතර පෙර කල මෙන් කණ්ඩායම සමබරව ක්‍රිඩා කිරීම ඒ නිසා වැදගත් වෙනවා.ප්‍රතිවාදීන්ට සිය ආරක්ෂක පෙළ අභිබවා යාමට නොහැකි වන පරිදි ගත හැකි සියළුම නීත්‍යාණුකූල උත්සාහයන් සමග මුළු තරග කාලයම ශක්තිමත්ව ශරීර යෝග්‍යතාවයෙන් යුතුව මුහුණ දීම ශ්‍රී ලංකා ක්‍රීඩිකාවන්ගේ වගකීම වෙනවා.එසේම තීරණාත්මක මොහොතවල් වලදී පන්දුව ස්වීය කණ්ඩායම තුළ පාලනයට නතු කරගෙන කාල කළමණාකරණයට ශ්‍රී ලංකා ක්‍රීඩිකාවන් උපක්‍රමශීලීව සංයමයෙන් කටයුතු නොකිරීමත් ඉකුත් ආසියානු සූරතා පරාජයට බල පෑවා.ඒ නිසා බොහෝ විට බෘනායි ආරංචි මාර්ග වලට අනුව ශ්‍රී ලංකා කණ්ඩායමේ සෙන්ටර්් සෙන්ටර් ක්‍රීඩිකාව වෙනු ඇතැයි විශ්වාස කරන දුලංජි වන්නිතිලක ගේ දරා ගැනීමේ ශක්තිය මෙන්ම ඇය විසින් අවස්ථානෝචිතව කෙතරම් දුරට ක්‍රියා කරයිද යන්නත් ශ්‍රී ලංකා කණ්ඩායමට ඉතා වැදගත් වෙනවා ඇති.
එසේම ශ්‍රී ලංකා කණ්ඩායමට ජාතික කණ්ඩායම නියෝජනය කර ඇති නායිකා සේමිනි අල්විස් මෙන්ම ක්‍රීඩිකාවන් තිදෙනෙකුම ඇතුළත් වන අතර ශ්‍රී ලංකාවේ දැල් පන්දු අනාගතයට වඩා වැදගත් වනු ඇතැයි අපේක්ෂිත සුවිශේෂී ආරක්ෂක පෙළ ක්‍රීඩිකාවක් ද මෙම සංචාරය තුළින් බලාපොරොත්තු විය හැකි බවට දැල්පන්දු ආරංචි මාර්ග ඔස්සෙ ලැබෙන තොරතොරු වලින් ඉගි කරනු ලබන්නේ යොවුන් දැල් පන්දු කිරුළේ අයිතිය මෙවර මැලේසියාවෙන් උදුරා ගැනීමට ශ්‍රී ලංකාවට විශාල ඉඩක් තිබෙන බවයි.
තරගාවලියට සහභාගි වන කණ්ඩායම් 10 අතරේ ශ්‍රී ලංකාව බී කාණ්ඩයට අයත්ව සිටින අතර ඔවුන් සමග එම කාණ්ඩයේ ක්‍රීඩා කරන සෙසු කණ්ඩායම් වන්නේ සිංගප්පූරුව,තායිලන්තය,මාල දිවයින සහ නේපාලය යන කණ්ඩායම් හතරයි.
එ කාණ්ඩයෙන් තරග වදින බෘනායි කණ්ඩායමේ දක්ෂතා ද ශ්‍රී ලංකාවේ දැල් පන්දු කීර්තාය කෙරෙහි විශාල ලෙස බලපාන කණ්ඩායමක්.ශ්‍රී ලංකාවට ආසියානු සූරතාවය දිනා දීමෙන් අනතුරුව සිදු කරන ලද කෙනහිලිකම් වල ප්‍රතිපලයක් ලෙස ශ්‍රී ලංකාවට අහිමි වූ හිටපු ජාතික පුහුණුකාරිය තිලකා ජිනදාස බෘනායි කණ්ඩායමේ පුහුණුකාරිය වෙනවා.ඉතා ශක්තිමත්ව සහ ඉහළ දරා ගැනීමේ ශක්තියකින් සිය කණ්ඩායම සැකසීම පිළිබදව කීර්තිමත් ඉතිහාසයක් ඇති තිලකා,මෙම තරගාවලියේදී බෘනායි කණ්ඩායම කෙසේ සූදානම් කර ඇද්ද යන්න ශ්‍රී ලංකාව පමණක් නොව ආසියාවම බලා සිටින කාරණයක් වෙනවා.
ජාත්‍යන්තර වැදගත් කමක් ඇති තිලකා ගේ වෘත්තීය පුහුණුකාරත්වය දෙස යොමු වී තිබෙන ලෝක අවධානය වඩාත් පුළුල් කිරීමට බෘනායි කණ්ඩායම දක්වන දක්ෂතා ඉතා වැදගත් වනු ඇති අතර, මැලේසියාව,ජපානය,හොංකොං සහ ඉන්දියාව අයත් වන එම කාණ්ඩයෙන් අවසාන කණ්ඩායම් හතරට ඒම සදහා බෘනායි කණ්ඩායම දරන වෑයම මෙවර ආසියානු සූරතාවලියේ පෙරළිකාරම කණ්ඩායම බෘනායි බවට පත් කරන්නට විශාල ඉඩ - කඩක් විවරව පවතිනවා.
