ලංකාවේ ප්‍රබල දේශපාලනඥයෙකුගේ පුතෙකු වන ක්‍රිකට් ක්‍රීඩකයෙකු කොදෙව් ඒ සංචාරයට සහභාගි වී ආපසු එමින් සිටියදී කොදෙව් දූපත් හී සිට ලන්ඩනය බලා එන ගමණේදී අධික ලෙස බීමත්ව වැසිකිලි දොර වෙනුවට ගුවන් යානයේ පිටවීමේ දොරටුව භාවිතා කරන්නට යාමෙන් විශාල කළබලයක් ඇති කර ගත් බව විදෙස් මාධ්‍ය හරහා වාර්තා වේ.මෙම සිදුවීම සිදු වන විට ගුවන් යානය අඩි 35000 ක් ඉහළ ගුවනේ රැදී සිටි අතර ක්‍රීඩකයා ගේ මෙම හැසිරීම නිසා සහ ඔහුව වැළක්වීමට යාමේදී ඇති වූ නොසන්සුන් තත්ත්වය නිසා ගුවන් යානයේ සිටි මගීන් දැඩි අපහසුතාවයකට පත් වූ බව ද,එම මගීන් ගේ ප්‍රකාශද විදෙස් මාධ්‍ය ඔස්සේ වාරතා වන්නට වීමත් සමග ශ්‍රී ලංකා ක්‍රිකට් ආයතනය ඒ බව සොයා බැලීඹට පරීක්ෂණයක් කරන බව පමණක් දැනට ප්‍රකාශ කර ඇත.අවස්ථා කිහිපයකදීම විනය කඩ කළ බවට චෝදනා එල්ල වුව ද මෙම ක්‍රීඩකයාට දේශපාලන රැකවරණ නිසා දඩුවමක් නොලැබුණු අතර ඇතැම් විට ඇමත්වරුන්ගේ පුතුන් පමණක් නොව සාමාන්‍ය පිරිස්ද එසෙ හැස් වැරදියට හැසිරෙන බව කියමින් අනෙකුත් අමාත්‍යවරුන්ගේ පුතුන්ගේ අවිනීත හැසිරීම් පවා සාධාරණියකරණය කරන්නට චෝදනා එල්ල වන ක්‍රීඩකයාගේ පියාට සිදු විය.කෙසේ ගෙදර කුටියේ නිරුවතින් හැසිරෙන විට තරවටුවක් නොලැබීම ආශිර්වාදයක් කර ගත් මෙම ක්‍රීඩකයා එය තමන්ගේ අයිතියක් මෙන් ගෙන හැසිරෙන්නට යාමේ ප්‍රතිපලය ලෙස ලෝකයාම ඉදිරියේ නිරුවත් වීම හැදින්විය හැකි බව තතු දත්තෝ පවසති.
දැනට ද පරීක්ෂණයක් කරන බව ප්‍රතාශ කරන ශ්‍රී ලංකා ක්‍රිකට් ආයතනය ඒ පිළිබදව කළමණානරුගේ වාර්තාව ලබා ගැනීමට නියමිතව ඇති බව පවසන නමුත් වාර්තා වන තොරතොරු අනුව මොහු සමග පැමිණ ඇත්තේ ක්‍රීඩකයන් කිහිප දෙනෙකු පමණක් වන අතර කළමණාකරු ඒ සමග සිට නැත.ඇතැම් විට එය උපකාරයක් කර ගනිමින් කැකිල්ලේ තීන්දුවක් ලෙස කළමණාකාරවරයා එම ක්‍රීඩකයන් සමග නොපැමිණීම සැළකිල්ලට ගෙන මෙම ක්‍රීඩකයාගේ හැසිරීම පිළිබදව කළමණාකාරවරයාට දඩුවම් ලැබීමට ද ඉඩ ඇති බව ක්‍රිකට් කේෂ්ත්‍රයේ ඇතැම් දෙනාගේ අදහස වී ඇත.
www.supirikrida.com
No comments:
Post a Comment