හිටපු බේස්බෝල් පරිපාලනය විසින් නුරුස්සන ලබන ජාතික කණ්ඩායමේ ප්‍රබලතම ක්‍රීඩකයෙකු වන ශ්‍රී ලංකා යුධ හමුදා කණ්ඩායමේ නෙලංක කරුණාරත්න ජාතික කණ්ඩායමෙන් ඉවත් කිරිම පිණිම ජාතික බේස්බෝල් සංගමය විසින් නම් කරන ලද කණ්ඩායම් හයක් සහභාගි කරමින් පවත්වන ක්ලැසික් තරගාවලියේදී එකම කණ්ඩායමකට හෝ නම් නොකිරීමට කටයුතු කර ඇත.එහිදී ඇකැම් කණ්ඩායම් නායකයන් විසින් නෙලංකව යෝජනා කර ඇතත් පරිපාලනයේ සිටින ඇතැම් චරිත එම ඉල්ලිම ඉවත දමන්නට කටයුතු යොදා ඇත.
වර්ථමාන පරිපාලනයට පත් වී සිටින සභාපති නීතිඥ කාලිංග ඉන්ද්‍රතිස්ස මෙන්ම උප සභාපතිවරයෙකු වන බේස්බෝල් ක්‍රීඩා කර ඇති අයෙකුද වන සාගර කාරියවසම් යන නීතිඥයන් දෙදෙනා බේස්බෝල් පරිපාලනයට විරුද්ධ පාර්ශව වල ද සහය ලබා ගනිමින් බේස්බෝල් දියුණු කිරිමට උත්සාහ ගනිද්දී ඔවුන්ගේ අවධානයෙන් මිදී එහ සිටින පැරණි චරිත සිය අවශ්‍යයතා වෙනුවෙන් බේස්බෝල් ක්‍රීඩාව මෙහෙයවිම අශෝභන තත්ත්වය දිගින් දිගටම ක්‍රියාත්මක කිරිමට උත්සාහ දරණ බව නෙලංක කරුණාරත්නගේ ඉවත් කිරීමෙන් පැහැදිළි වෙයි.වසර ගණනාවක් සමාජ සම්බන්ධතා ඇති චරිත බේස්බෝල් පරිපාලනයේ මුල් පුටු වලට ගෙන එමින් ඔවුන් හරහා සිය අරමුණු සාක්ෂාත් කර ගනිමින් වරෙක පුහුණුකරුවෙකු ලෙස ද,වරෙක කළමණකරුවෙකු ලෙස ද විදේශ සංචාර වලට එක් වෙමින් ජාතික කණ්ඩායමට ක්‍රීඩා නොකළ අයෙකු මෙම ක්‍රියාවලිය පිටු පස සිටින බව පැහැදිළිය.
ස්වීය අවශ්‍යයතාවයන් වෙනුවෙන් පුද්ගලයන් භාවිතා කිරිමට විශාල හැකියාවක් ඇති හෙතෙම මීට පෙරද යූද හමුදාවේ සිටි නිලධාරියෙකු හරහා නෙලංක කරුණාරත්නගේ යුධ හමුදා වරප්‍රසාද පවා සිමා කිරීමට උත්සාහ ගත බවට තොරතොරු ඇති අතර ඔහු නිරන්තරයෙන් ක්‍රීඩා සමාජ නියෝජිතයන් සහ ක්‍රීඩකයන් හමුවේ පත්වෙන සභාපතිවරයාගේ නියෝජිතයා ලෙස පෙනී සිටිමින් එම නියෝජිතයන් සහ ක්‍රීඩකයන් මුලා කිරීම දිගින් දිගටම කර ගෙන යන්නේය.
යුධ හමුදා ක්‍රීඩකයන් තිදෙනෙකුම මෙම කණ්ඩායම් හයේ නායකයන් ලෙස සිටිද්දී සිය කණ්ඩායමේ ක්‍රීඩකයෙකුගේ දක්ෂතා නොසළකා හැර කටයුතු කරද්දී විරෝධයක් හෝ නොදක්වා සිටීම මෙම පරිපාලනය ඉදිරියේ හමුදා ක්‍රීඩකයෙකුට හෝ මුහුණ දෙන්නට සිදුවන ඛේදවාචකයකි.තමන්ටම අනතුර පැමිණෙන තෙක් නිහඩව සිටීම ශ්‍රී ලංකා බේස්බෝල් සංචිතයේ බොහෝ ක්‍රීඩකයන්ගේ ස්වභාවය වී ඇති අතර එවැනි අසාධාරණයක් වන්නේනම් එයට මැදිහත් වීමට සභාපති කාලිංග ඉන්ද්‍රතිස්ස මෙන්ම සාගර කාරියවසම් ද සූදානම් බව ප්‍රසිද්ධියේ ප්‍රකාශ කරන තත්ත්වයකදි වුව,ක්‍රීඩකයන් මෙසේ ක්‍රීඩාවට වන හානිය වැළක්වීම වෙනුවෙන් කරුණු ඉදිරිපත් කිරීමට කටයුතු නොකිරීම ඛේදවාචකයකි.
පැවති පරිපාලනය දැඩිව විවේචනය කරමින් ක්‍රීඩා අමාත්‍යවරයාට සහ ක්‍රීඩා අධ්‍යක්ෂක ජෙනරාල්වරියට කරුණු දැක්වීම සදහා සම්බන්ධ කර දෙන ලෙස ජනමාධ්‍යයෙන් පවා අවස්ථාව ඉල්ලමින් සිටි දැනට ජපානයේ සිටින ලාංකිකයෙකුට වරප්‍රසාද කිහිපයක් ලබා දී නිහඩ කිරීමට සමත් වූ පැරණි බේස්බෝල් පරිපාලනය මේ වන විට ඔහු දැඩි ලෙස කැමැත්ත දක්වන ඔහු සම්බන්ධ ප්‍රවෘත්තියක් හෝ පරිපාලන වෙබ් අඩවියේ පළ නොකරන බවට තොරතොරු වාර්තා වන අතර නෙලංක කරුණාරත්න ඔහුගේ සමීපතම හිතවතා ලෙස දේශීය වශයෙන් සුජීවගේ මාධ්‍ය සම්බන්ධතා ජාලය සවිමත් කිරීමට පෞද්ගලිකව උපකාර කළ මිත්‍රයා වන්නේය.විදේශගත ලාංකිකයා පරිපාලනයේ ආශිර්වාදයත් සමග නෙලංකගෙන් වේගයෙන් ඈත් වෙමින් සිටි අතර අද වන විට ඔහු ව පමණක් නොව නෙලංක ද බේස්බෝල් කේෂ්ත්‍රයෙන් ඉවත් කිරීමට පැරණි පරිපාලනයේ සිට වර්ථමාන පරිපාලනය සමග සිටින ඇතැම් අයගේ අවශ්‍යයතාවය වී ඇත.
යුධ හමුදා ක්‍රීඩා සමාජයේ ක්‍රීඩකයෙකුට මෙවැනි අසාධාරණයක් සිදු වී ඇති බව ප්‍රවෘත්තිය පළ කිරීමෙන් නොනැවතී අළුත් යුධ හමුදාපති වරයා ලෙස පත්වන හිටපු මලල ක්‍රීඩා සංගම් සභාපති දයා රත්නායකයන්ට ද දැණුම් දීමට අප වේබ් අඩවිය ඉදිරියේදී ක්‍රියා කරන අතර වත්මන් බොක්සිං සම්මේලනයේ උප සභාපතිවරයෙකු වන වත්මන් යුධ හමුදාපති සහ පත් වීමට නියමිත ආරක්ෂක මාණ්ඩලික ප්‍රධානි ජගත් ජයසූරියට ද මේ බව දැණුම් දිමට අවශ්‍යය පියවර අප විසින් ගණු ලබමින් සිටින්නේය.
එසේම මෙම කණ්ඩායම් හය තෝරා ගැනීමේදී හැකිනම් ප්‍රසිද්ධ තේරීමක් කරන ලෙස අප බේස්බෝල් පරිපාලනයට අභියෝග කරන අතර ඒ තේරීම සභාපති කාලිංග ඉන්ද්‍රතිස්සගේ සහ උප සභාපති සාගර කාරියවසම්ගේ දෑස් පනා පිට සිදු කර නෙලංක කරුණාරත්න මෙම කණ්ඩායම් හයට සුදුසු නැති අදක්ෂයෙකු දැයි පෙන්වා දෙන ලෙස ද අභියෝග කරමු.
www.supirikrida.com
තෙවන කොටසේ ක්‍රිකට් තරගාවලියට සහභාගි වන ශ්‍රී ලංකා නීතිඥ ක්‍රිකට් කණ්ඩායම මග්ගොන සරේ ක්‍රීඩාංගණයේදි පැවති තරගයකදී බෝරා ක්‍රීඩා සමාජය පරදවා කඩුලු 7 ක පහසු ජයක් අත් කර ගන්නට සමත් විය.පළමුව පන්දුවට පහර දුන් බෝරා ක්‍රීඩා සමාජය ලකුණු 120 ට සීමා කරන්නට නීතිඥ කණ්ඩායමට හැකියාව ලැබුණු අතර එහිදී බෝරා ක්‍රීඩා සමාජයට නීතිඥ කණ්ඩායමේ දග පන්දු යවන්නන්ගෙන් එල්ල වූ දැඩි පීඩනය මැඩ ලකුණු අතරට ඒමට ගත් උත්සාහයේදී බෝරා ක්‍රීඩා සමාජයේ එම් හුසෙයින් ලකුණු 39 ක් ද,එම් තාහිර් ලකුණු 25 ක් ද ලබා ගන්නට සමත් විය.
