කොළඹ සුගතදාස ක්‍රීඩාංගණයේ
ක්‍රියාත්මක 85 වන ජාතික බොක්සිං තරගාවලියේ දෙවන දිනයේ තරග ඊයේ (ජනවාරි 12) ක්‍රියාත්මක
වූ අතර මෑත කාලයේ විශාල පිබිදිමකින් කටයුතු කළ පොලිස් ක්‍රීඩා සමාජය ඊයේ සහ පෙරේදා
දෙදින තුළ මුහුණ දුන් තරග වල දී විශාල කඩා වැටීමක් පෙන්නුම් කරන බව පැහැදිළි
කළේය.මෑත කාලින පිබිදීමට සාක්ෂි සාධක ඉදිරිපත් කළ ක්‍රීඩක ක්‍රීඩිකාවෝ විශාල ප්‍රමාණයක්
ද මෙම තරගාවලියේ දී මෙන්ම ආසන්න ලේටන් කුසලාන තරගාවලියේ දී ද මූලික වට වලින්ම
දරුණු පරාජයන් අත් කර ගනු කැපී පෙණුන හ.
ඊයේ ක්‍රියාත්මක වූ කාන්තා
මූලික තරග, පිරිමි අර්ධ අවසන් පූර්ව තරග මෙන්ම කිලෝ ග්‍රෑම් 81 බර පංතියේ කාන්තා
අංශයේ තරගය ද ගත් විට පැවති තරග වල වැඩි ගෞරවය ස්ලිම් ලයින් ක්‍රීඩා සමාජය,ශ්‍රී
ලංකා නාවික හමුදාව සහ යුධ හමුදාව විසින් අත් කර ගත් අතර ශ්‍රී ලංකා ගුවන් හමුදා
බොක්සිං ක්‍රීඩකයෝ ද කැපී පෙණුනහ.කාන්තා මූලික තරග වැඩි ප්‍රමාණයක් විනිසුරු
විසින් නවතා තීරණ දෙන තත්ත්වයේ ඒක පාර්ශවික තරග වීම ප්‍රියජනක දසුනක් නොවීය.
ශ්‍රී ලංකා යුධ හමුදාවේ
එම්වීඅයිඑස් බන්ඩාර ජයගත් තරගයේ දි ඔහුගේ ප්‍රතිවාදියා වූ සිලුවේටා ක්‍රීඩා සමාජයේ
මාලන් සෙනවිරත්න පෑ තරගකාරිත්වය මෙන්ම ස්ලිම්ලයින් ඒ ක්‍රීඩා සමාජයේ සුරංග
මුදන්නායක සහ ශ්‍රී ලංකා ගුවන් හමුදාවේ කේඒඊඑච් ධර්මසිරි අතර තරගයෙන් මුදන්නායක ජය
ගත්තේ ද ධර්මසිරි විසින් ලබා දුන් තියුණු අභියෝගයකින් පසුව වීමත් කැපී පෙණුනු තරග
විය.ඊයෙ ද බොක්සිං ක්‍රීඩාවේ තාක්ෂණය අමතක කර දමමින් ක්‍රීඩා කරන ආකාරය ද අනීතික
ක්‍රීඩා රටාවන් ද දකින්නට ලබුණු අතර නමුත් එය ප්‍රතම දිනයේ මූලික තරග වල දී තරම් ප්‍රදර්ශනය
නොවීය.ක්‍රීඩාව කෙරෙහි ඇති වී ඇති උනන්දුව පදනම් කරමින් ක්‍රීඩාවට යොමුවන
පිරිස ප්‍රමාණාත්මකව ඉහළ යද්දී එහි මූලික තරග වල දී ඇතැම් ක්‍රීඩකයන්ගේ අත්දැකීම් මදබව
මෙන්ම දීර්ඝ කාලීනව ක්‍රීඩාවේ යෙදි ලබා ගත් පළපුරුද්ද මද කම නිසාද මෙවැනි තත්ත්ව ඇති විය හැකි බව පෙන්වා දුන්
බොක්සිං පරිපාලනයට සම්බන්ධ අයෙක් පෙන්වා දුන්නේ ඒ තත්ත්වය අවම කර ගැනිම ක්‍රීඩා
සමාජවල වගකිමක් බව යි.ඒ සදහා ගත හැකි මහාදම පියවර ක්‍රීඩා සමාජ මට්ටමින් නිසි
තේරීමක් කර හොදම ක්‍රීඩකයන් තරග සදහා යෙදවීම බව ද ඔහු ගේ අදහස විය.
කෙසේ හෝ අද තරගාවලියේ තෙවන
දිනය වීම නිසා ද අද කාන්තා අංශයේ අවසාන තරග විශාල ප්‍රමාණයක් මෙන්ම පිරිමි අංශයේ
අවසාන පූර්ව තරගද පැවත්වෙන නිසා අද පැවත්වෙන තරග වලදී තරග වදින්නේ දක්ෂතා දක්වා
පෙරට පැමිණි පිරිස වී හේතු කොට ගෙන ඉහළ බොක්සිං ක්‍රීඩා ගුණාංග සහිත තරග නැරඹිය
හැකි දිනයක් බවට අද දවස පත් වෙනු ඇතැයි ද ඔහු ප්‍රකාශ කළේය.
No comments:
Post a Comment