කොළඹ සුගතදාස ක්‍රීඩාංගණයේ ඉදි වූ නව ධාවන පථයට ජාත්‍යන්තර
තත්ත්ව සහතිකය හිමිවීම පිළිබදව මෙන්ම නව ධාවන පථය විවෘත වීම සම්බන්ධයෙන් පවත්වන
මාධ්‍ය සාකච්ඡාව අද පස්වරු 5 .00 සුගතදාස ක්‍රීඩාංගණයේදී සිදුවීමට නියමිතයි.ක්‍රීඩා
අමාත්‍ය මහින්දානන්ද අලුත්ගමගේ,සුගතදාස අධිකාරියේ සභාපති බ්‍රිගේඩියර් ප්‍රියන්ත
සමරතුංග මෙන්ම ආසියානු මලල ක්‍රීඩා සංගමයේ
විශේෂ නිලධාරීන් පිරිසක් ද මෙම අවස්ථාවට එක්වීමට නියමිතයි.
මේ දක්වා ශ්‍රී ලංකාවේ එලන ලද ධාවන පථ වලට වඩා ඝනත්වය
වැඩි ධාවන පථයක් ලෙස මලල ක්‍රීඩා තාක්ෂණය පිළිබදව අවබෝධයක් ඇති අයගේ අවධානයට ලක් ව
ඇති මෙම ධාවන පථයේ තත්ත්වය ඉහළ වුවත් අඩු ශරීර බර ප්‍රමාණයක් ඇති ශ්‍රී ලංකා ක්‍රීඩිකාවන්ට
මෙම ධාවන පථයෙන් වාසි ලබන්නට නම් වැඩි කාලයක් වැය කර පුහුනුවීමට සිදුවනු ඇති බව
මලල ක්‍රීඩා ප්‍රවීනයන්ගේ අදහස යි.ඒ නිසා මෙම ධාවන පථය ඉදි වූ සැනින් ආසියානු කණිෂ්ඨ
මලල ක්‍රීඩා උළෙල නියෝජනය කරන ශ්‍රී ලංකා ක්‍රීඩක ක්‍රීඩිකාවන්ට මෙන්ම ඉදිරියේදී
පවත්වන ජ්‍යෙෂ්ඨ ක්‍රීඩක ක්‍රීඩිකාවන්ගේ පුහුණුවීම් සදහා ද විවෘත විය යුතුව ඇත. www.supirikrida.com
No comments:
Post a Comment