මීට පෙර ද කිහිප වතාවක්ම මතක් කළ සේ ශ්‍රී ලංකා ක්‍රිකට් සම්බන්ධයෙන් කෝටි ගණනක වියදමක් දරා හරූන් ලොගාඩ් ලවා ලබා ගත් වාර්තාවෙන්ද විවේචනයට ලක් වූ ක්‍රිකට් තේරුම් කමිටුව සම්බන්ධයෙන් මේ වන විටත් අමාත්‍යවරයා හෝ ශ්‍රී ලංකා ක්‍රිකට් කිසිදු තීරණයක් ගන්නා බවක් පෙනෙන්නට නැති අතර ඔවුන් කිසිදු හිරිකිතයකින් තොරව තමන්ට අවශ්‍යය පරිදි තීරණ ගනිමින් සිටියි.අවසානයේ වසර ගණනක් තිස්සේ මෙරට මාධය විසින් පෙන්වා දුන් කරුණුම ඉදිරිපත් කර ලොගාඩ් ට කෝටි ගණනක මුදලක් ගැනීමට ආශිර්වාදයක් ලැබීම හැරෙන්නට හරූන් ලොගාඩ් ගේ වාර්තාවෙන් කිසිදු වෙනසක් ක්‍රිකට් වලට සිදුවන බවක් පෙනෙන්නට නැත.පසුගිය කාලය පුරාම විශිෂ්ඨ දස්කම් දැක් වූ ක්‍රීඩකයෙකු ලෙස කැපී පෙනෙන තිසර පෙරේරා,අතිරේක ක්‍රීඩකයෙකු ලෙස ඕස්ට්‍රේලියානු සංචිතයට නම් කර සිටියදී ඔහු ව ඉවත් කර සුරංග ලක්මාල් කැදවීම පිළිබදව හේතු කාරණා විමසීමටවත් ලංකාවේ ක්‍රිකට් තේරුම් කමිටුවට අභියෝග කරන්න ක්‍රීඩා බලධාරියෙකු නැති වීම ක්‍රිකට් ක්‍රීඩාවේ ඛේදවාචකයකි.
වඩා වැදගත් සුරංග ලක්මාල් නම් ඔහුව නම් නොකර පළමුව තිසර පෙරේරා නම් කරේ ඇයි යන්න මෙන්ම තිසර පෙරේරා අතිරේක ක්‍රීඩකයෙකු ලෙස සංචිතයේ සිටියදි ඕස්ට්‍රේලියාවේ සංචාරය කරන ශ්‍රී ලංකා කණ්ඩායමේ පිතිකරු අංශය විශාල වශයෙන් කඩා වැටි තිබියදී,පිතිකරණයේදී සුරංග ලක්මාල් ට වඩා දායකත්වයක් දැක්විය හැකි තිසර පෙරේරා නම් නොකළේ ඇයිද යන ප්‍රශ්නය ඇසීමට ක්‍රිකට් ආයතනයේ ගෙවීමක් ලැබිය හැකි සුද්දෙක් හෝ නොමැති වීම නිසා මෙවැනි ගැටළුකාරී තත්ත්වයන් ක්‍රීඩා අමාත්‍යවරයාගේ සිට තීන්දු ගත හැකි කිසිදු බලධාරියෙක්ට නොදැනෙනු ඇත.
www.supirikrida.com
No comments:
Post a Comment