ශ්‍රී ලංකා ක්‍රිකට් තේරීම් කමිටුව ඕස්ට්‍රේලියානු සංචාරයේ එක්දින සහ 20 - 20 තරග සදහා නම් කරන ලද කණ්ඩායමේ අතිරේක කඩුලු රකින්නෙකු ලෙස කුමාර සංගක්කාරගේ ඉවත්වීමෙන් ඇති වු හිස් තැන පිරවීමට දක්ෂ පිතිකරුවෙකු ද වන කුසල් ජනිත් පෙරේරා ඇතුළත් කිරිමට පියවර ගෙන ඇත.එහෙත් අත්දැකීම් බහුල මේ වන විටත් ඕස්ට්‍රේලියාවේ ක්‍රියාත්මක බිග්බෑෂ් තරගාවලියට සහභාගි වන සචිත්‍ර සේනානායක මේ තරගාවලියට ඇතුළත් කර නොමැති වීම ගැටළුවකි.පසුගිය කාලයේ තමන්ට ලැබුණු අවස්ථාවලදී වේග තණතිලිවල කඩුලු අතරට පැමිණි දග පන්දු යවන්නෙකු මෙන්ම සුවිශේෂී පන්දු රකින්නෙකු මෙන්ම පිතිකරණයේ ද හැකියාවක් ඇති සචිත්‍රට අවස්ථාවක් නොලැබීම මෙන්ම සුරංග ලක්මාල් ට වඩා එක්දින ජාත්‍යන්තර තරග දස්කම් අතර පෙරමුණේ සිටින පිතිකරණයේදී වේගවත් ප්‍රහාරකයෙකුද වන ධම්මික ප්‍රසාද් ද ටෙස්ට් තරග වලින් පසුව ශ්‍රී ලංකාවට කැදවීමට තීරණය කර තිබීම ද ගැටළුවකි.මේ අතර ඕස්ට්‍රේලියාවේ සංචාරය කරන කණ්ඩායමේ අබාධ වලට ලක් වූ ක්‍රීඩකයන් අතරින් මේ වන විට හ්‍රී ලංකාවට ගෙන්වා ගෙන ඇතතේ චානක වෙළගෙදර පමණක් වන අතර ශ්‍රී ලංකා ක්‍රිකට් ආයතනය මුල්‍ය අර්බූදයකට ලක් වී සිටියදී ආබාධ වලට ලක් වූ ක්‍රීඩකයන් වෙනුවෙන් පහසුකම් සළසමින් ඕස්ට්‍රේලියාවේ රදවා තබා ගැනීම ගැටළුකාරීය.
ඕස්ට්‍රේලියාව සමග පැවත්වෙන එක්දින සහ 20 - 20 තරග සදහා නම් කරන ලද සංචිතය පහත දැක්වේ.නායක මහේල ජයවර්ධන,උප නායක ඇන්ජලෝ මැතිව්ස්,තිලකරත්න ඩිල්ෂාන්,උපුල් තරංග,ලහිරු තිරිමාන්න,දිනේෂ් චන්දිමාල්,නුවන් කුලසේකර,අකිල ධනංජය,ලසිත් මාලිංග,තිසර පෙරේරා,අජන්ත මෙණ්ඩිස්,ජීවන් මෙණ්ඩිස්,සුරංග ලක්මාල්,රංගන හේරත්,කුසල් ජනිත් පෙරේරා සහ සමින්ද එරංග
www.supirikrida.com
No comments:
Post a Comment