මේ දිනවල තායිලන්තයේ පැවත්වෙන ආසියානු කාන්තා වොලිබෝල් තරගාවලියේ දෙවන පරාජය අත් විදින්නට ශ්‍රී ලංකා ක්‍රීඩිකාවන්ට ඊයේ සිදු වුණා.ඒ දකුණු කොරියාවට එරෙහිවයි.ආසියාවේ තෙවැන්නන් ලෙස සැළකෙන දකුණු කොරියානු වොලිබොල් ක්‍රීඩිකාවන්ට එරෙහිව වට 3 - 0 ක පරාජයක් ලද ශ්‍රී ලංකා ක්‍රීඩිකාවන් පිළිවෙලින් වට තුන තුළ 8,6 ක් සහ 7 ක් පමණක් ලබා ගනිමින් අතිශය දුර්වල ක්‍රීඩා රටාවක නියැලුනා.පළමු තරගයේදී චීන තායිපේ කණ්ඩායමට එරෙහිව වට තුනටම ලකුණු 25 ක් පමණක් ලැබූ ශ්‍රී ලංකා ක්‍රීඩිකාවෝ දකුණු කොරියාවට එරෙහිව ලබා ගත්තේ වට තුනටම ලක්‍රණු 21 ක් පමණයි.ඒ අනුව තරග දෙකේදී ප්‍රතිවාදීන් ලකුණු 150 ක් රැස් කරද්දී ශ්‍රී ලංකා ක්‍රීඩිකාවන්ට ලබා ගැනීමට හැකි වී තිබෙන්නේ ලකුණු 46 ක් පමණක් වන අතර එම ලකුණු ලබා ගැනීම දැනට තරගාවලියේ දුර්වලම ලකුණු ලබා ගැනීම ද ලෙස දැක්විය හැකියි. චීන තායිපේ සහ දකුණු කොරියාව වෙතින් ලද පරාජයත් සමග අද ශ්‍රී ලංකාව මියන්මාරයට මුහුණ දීමට නියමිතයි.මියන්මාරය ඊයේ චීන තායිපේ සමග තරගයේදී චීනතායිපේ වෙතින් වට 3 - 0 ක පරාජයක් ලැබුව ද වට තුනට පිළිවෙලින් ලකුණු 10,10 සහ 17 ක් රැස් කරමින් ශ්‍රී ලංකාව චීන තායිපේ කණ්ඩායමට එරෙහිව දැක් වු දක්ෂතාවයනට වඩා දක්ෂතාවයක් දැක් වූ නිසා ශ්‍රී ලංකාවට මියන්මාර තරගයේ ජයග්‍රහණය ද පහසු වන්නේ නැහැ.මේ අතර ඊයේ චීනය ඉන්දියාවට එරෙහිව වට 3 - 0 ක ජයක් ලැබූ අතර ඉරානය පිලීපීන කණ්ඩායමට එරෙහිව ජය ගත්තේ වට 3 - 1 ක් ලෙස යි.මේ අතර කසකස්තානය මොංගෝලියාවට එරෙහිවත්,තායිලන්තය ඕසට්‍රේලියාවට එරෙහිවත් වට 3 - 0 ලෙස සිය තරග ජය ගත් අතර ජපන් ක්‍රීඩිකාවන් ඉන්දුනීසියාවට එරෙහිවද,වියට්නාම ක්‍රීඩිකාවන් හොංකොං දේශයට එරෙහිවද ජයග්‍රහණ ලබා ගත්තේ ද වට 3 - 0 ක් ලෙස යි.
www.supirikrida.com
No comments:
Post a Comment