මෙවර බේස්බෝල් නිලවරණය උණුසුම් මුහුණුවරක් ගනු ලැබුවේ පැවති පරිපාලනයේ කිහිප දෙනෙකුගේ උවමනාවන් මත ක්‍රීඩාවට සිදු කරන හානිය නැවතීමට සහ එක තැන පල්වීම නැවතීමට එරෙහිව ප්‍රතිවිරුද්ධ පාර්ශවයක් විසින් නිලවරණයට කණ්ඩායමක් ඉදිරිපත් කිරීම නිසාය.එම කණ්ඩායම නිලවරණයට පෙර බේස්බෝල් දියුණුවට අවශ්‍යය දීර්ඝකාලීන සහ කෙටි කාලීන සැළසුම් ඉදිරිපත් කරමින් නිලවරණයට පැමිණි අතර නමුත් අදාළ නිලවරණය කැදවීම පිළිබදව ඇති නීතිමය තත්ත්වයන් සැළකිල්ලට ගෙන පසුව නීතිමය ක්‍රියා මාර්ගයක් හරහා ඊට එරෙහිව වාරණයක් ලබා ගත්තේය.අදාළ වාරණය යොමු විය යුතු ලිපිනයේ නොසිටීම නිසා සහ එම වාරණය ලබා දිය යුතු පුද්ගලයන් දුරකථන වලින් හෝ සම්බන්ධ කර ගැනීඹට ගත් උත්සාහයන් ව්‍යර්තවීම නිසා වාරණය නිලවරණයට පෙර අදාළ පාර්ශව වෙත ලැබීම වැළකී ගිය අතර එය ප්‍රයෝජනයට ගනිමින් නිලවරණය පැවති අතර ලංකාවේ ප්‍රකට නීතිඥයෙකු වන කාලිංග ඉන්ද්‍රතිස්ස එහි සභාපති පදවියට පත්විය.එසේම තවත් නීතිඥයෙකු වන සාගර කාරියවසම් ද උප සභාපති තනතුරකට පත් වී අතර මේ වන විට ඔවුන් දෙදෙනා පැවති පරිපාලන ව්‍යහුය තුළ පැවති දිරා ගිය ක්‍රමවේදයන්ගෙන් බැහැරව නිලවරණයේ සිය විරුද්ධවාදීන් ඉදිරිපත් කළ සාධනීය කාරණා පවා කරළියට ගෙන එමින් ක්‍රියාත්මක කරමින් ලාංකේය බේස්බෝල් ක්‍රීඩාව සංවරධනය කරා ගෙන යන්නට උත්සාහ දැරීම අගය කළ යුතුය.ඒ අනුව ප්‍රතිවාදීන් ඉදිරිපත් කළ නිලවරණයට අදාළ සැළසුම් තුළ කියා පෑ ක්‍රීඩාවේ ප්‍රගතියට ඉතාමත් වැදගත් Pitching Machine පුහුණු කටයුතු සදහා යොදා ගැනීම සදහා පළමු වරට ලංකාවට හදුන්වා දීම හෙට (17 ) දින සිදු වීමට නියමිතය.
එසේම දක්ෂතම ක්‍රීඩකයන් යොදා කණ්ඩායම් කිහිපයක් සකසා තරගාවලියක් පැවතවීම කෙරෙහි අදාළ සැළසුම් හරහා ඉදිරිපත් වූ කාරණා ද නව ආකාරයකට පෙරට ගෙන එමින් කේෂ්ත්‍රයේ සිටින දක්ෂතම ක්‍රීඩකයන් යොදවා සකස් කරන ලද කණ්ඩායම් හයකින් – Sri Lanka Baseball Classics 2013 තරගාවලිය පැවත්වීමට ගත් තීරණයද පැසසිය යුතුය.නමුත් එහිදී පැරණි සාම්ප්‍රදායික බේස්බෝල් තුරුම්පුකාරයන් තමන්ගේ බලය යළි විදහා පෙන්වමින් පැවති පරිපාලනයේ ඇතැම් නිලධාරීන්ගේ උදහසට ලක් වූ ක්‍රීඩකයන් මෙම කණ්ඩායම් වලට ඇතුළත් නොකිරීමට ක්‍රියා කරමින් ක්‍රීඩාව සුරැකීම වෙනුවට තමන්ගේ සැනසීම වෙත පළමු තැන දී ක්‍රියා කර ඇත.
කෙසේ නමුත් බේස්බෝල් පරිපාලනයේ අලුත් වෙනසක් ඇති කිරීමට පක්ෂ සහ විරුද්ධ සියළු මතවාද ක්‍රීඩාවේ සුභ සිද්ධිය වෙන්වෙන් යොදා ගැනීමට කාලිංග ඉන්ද්‍රතිස්ස සහ සාගර කාරියවසම් දරණ උත්සාහයට සාපේක්ෂව ක්‍රිඩා සංවර්ධන දෙපාර්තමේන්තුව ක්‍රියාත්මක නොවීම කණගාටුදායකය.උදාහරණයකට නිලවරණය කැද වූ පාර්ශවයම කාන්තා සැහැල්ලු පන්දු ක්‍රීඩාව වෙනුවෙන් සභාපතිනියක නම් කිරීමට කියා දන්වා එම තනතුර සදහා පිරිමි අයෙකු පත් කිරීම දැවැන්ත වරදක් වන අතර මේ තත්ත්වය නිලවරණයට පෙර දීම වෙනස් කරන ලෙස එහි නියෝජ්‍ය අධයක්ෂවරයෙකු වූ විජේරත්නයන් වර්තමාන ලේකම්වරයාට දැන් වුව ද තවමත් එම ගැහැණු තනතුරේ පිරිමියෙකු තබමින් ක්‍රියාත්මක වෙමින් ඇත.ඒ පිළිබදව නියෝජ්‍ය අධ්‍යක්ෂ වරයාට හෝ ක්‍රීඩා අමාත්‍යවරයාට හෝ එහි ඉහළ නිලධාරන්ට හෝ නීති අංශයේ උපදේශකයන්ට වගේ වගක් නැති වීම ඔවුන් ද්වී ලිංගික සත්වයන්දැයි සැක උපදවන්නකි.
මේ වන විට සංචාර යෑම,සහ වෙනත් සිවිල් සමාජ වරප්‍රසාද දිනා ගැනීම පිණිස ක්‍රීඩාව හැසිර වූ කිහිප දෙනෙකුට න්‍යාය පත්‍ර වෙනස් කරමින් ක්‍රීඩාව වෙනුවෙන් ක්‍රියාත්මක වීම සදහා බේස්බෝල් පරිපාලනයේ සභාපතිවරයා ලෙස කාලිංගයන් දක්වන උනන්දුව නිසා සිදු වී ඇති අතර ඇතැම් පුද්ගලයන්ට සිය කාලය ක්‍රීඩාව වෙනුවෙන් වැය වීම පහසු වීම පිණීස වෙනත් පුද්ගලයන් සහයට ඉදිරිපත් කිරීම දක්වා සිය වැඩ කලාව පුළුල් කිරීමට කාලිංග ගෙන ඇති පියවර නිසා ඉදිර වසරක කාලය තුළ ශ්‍රී ලංකාවේ බේස්බෝල් ක්‍රීඩාවේ විහාල ප්‍රගතියක් අපේක්ෂා කළ හැකි වනු ඇතැයි අපි බලාපොරොත්තු පෙර දැරිව සිටින්නෙමු.
එහිදී පරිපාලනමය වශයෙන් ක්‍රීඩාවේ පැවත්ම සහ අභිවෘද්ධිය වෙනුවෙන් ගනු ලබන තීරණ නිවැරදිව ක්‍රියාත්මක කළ හැකි පසුබිමක් නිම කරමින් කිහිප දෙනෙකුගේ අවශ්‍යයතාවය මත සිය හුරතලුන් ට ජාතික තලයේ ක්‍රීඩකයන් වීමට දෙනු ලබන අවස්ථාවන් වසා දමා ක්‍රීඩකයන්ට ද සාධාරණය ඉටු කරනු ඇතැයි අපි විශ්වාස කරමු.
www.supirikrida.com
No comments:
Post a Comment