දෙවන වටයේදී ද එම පීඩනය ලිහිල් නොකළ මියන්මාරය ශ්‍රී ලංකාවට කරට කර තරගයක් ලබා දුන් අතර එහි ප්‍රතිපලය සටහන් වූයේ ලකුණු 24 - 26 ක් ලෙස මියන්මාරයට පරාජය අත් වෙමින්ය.තෙවන වටයේදී ශ්‍රී ලංකාව ලකුණු 25 - 23 ක් ලෙස පෙරමුණ ගත් අතර සිව්වන වටයේදී එම තත්ත්වය තව දුරටත් වෙනස් කළ ශ්‍රී ලංකා ක්‍රීඩිකාවෝ එම වටය ජය ගත්තේ ලකුණු 25 - 16 ක් ලෙසය.
කසකස්තානය අතින් වට 3 - 1 ක් ලෙස පරාජයට පත් වූ සත්කාරක තායිලන්තය මෙම තරගාවලියේ පෙරළිකාරම කණ්ඩායම බවට පත් වෙමින් අංක එකට ශ්‍රේණිගතව සිටි චීනය පරාජය කරමින් අවසාන තරගයට සුදුසුකම් ලබා ගැනීමට සමත් විය.වට පහක් දක්වා දිවුණු එම තරගයෙන් වට 3 - 2 ක් ලෙස ජය ලැබූ තායිලන්තය අවසාන තරගයට සුදුසුකම් ලබමින් සත්කාරකත්වයේ නිසි පල නෙලා ගැනීමට සමත් විය.ජපානය චීනය ඉවත්ව ගිය ද සුපුරුදු පරිදි ආසියාවේ කාන්තා වොලිබෝල් කිරුළට සටන් වැදීමට අවසාන තරගය සදහා සුදුසුකම් ලැබුවේ දකුණු කොරියාව වට 3 - 1 ක් ලෙස පරාජයට පත්කරමින්ය.
චීනයේ පරාජයත් සමග මෙම තරගාවලිය කිසිදු අපරාජිත කණ්ඩායමක් නැති තරගාවලියක් බවට පත් වූ අතර අවසාන තරගයේදී සත්කාරක තායිලන්තය සිය භූමියේ වාසිය වගේම තරගාවලියේ දෙවන වටයේදී ජපානය පරාජය කිරීමේ මානසික ශක්තිය ද සමග හෙට (21) අවසාන තරගයට මුහුණ දීමට සූදානමින් සිටිනනේ ආසියාවේ කාන්තා වොලිබෝලයේ ඉතිහාස කතාව අළුත් කිරීමේ සූදානම ඇතිවය.
www.supirikrida.com
No comments:
Post a Comment