තායිලන්තයේ ක්‍රියාත්මක ආසියානු කාන්තා වොලිබෝල් තරගාවලියේ දී ශ්‍රී ලංකාව සිය කලාපයේ සම්ප්‍රදායික ප්‍රබලයාගේ ගොදුරක් බවට පත් වෙමින් ශ්‍රේණිගත කිරීම් හී පෙරට යාමට තිබූ අවස්ථාව අහිමි කර ගත්තේය.මූලික වටයේ තරග වලදී මියන්මාරය පහසුවෙන් පරාජය කළ ශ්‍රී ලංකාව එම කාණ්ඩයේ තෙවන ස්ථානයට පත් වූ අතර නමුත් ඉන්දියාවට සිදු වූයේ මියන්මාරය ඉදිරියේ වට 3 - 2 ක් ලෙස පරාජය වැළද ගන්නටය.දෙවන වටයේ තරග අරඹමින් පැවති තරගයේදී ද ශ්‍රී ලංකාව පිලිපීනය වෙතින් අනපේක්ෂිත වට 2 - 3 ක පරාජයක් ලැබූ අතර එම පරාජයත් ඉන්දියාවට එරෙහිව ලද පරාජයත් නිසා ශ්‍රී ලංකාවට තරගාවලියේ ශ්‍රේණිගත කිරීම් හී නවවන ස්ථානය සහ දොළොස්වන ස්ථානය අතර ස්ථානයක් දිනා ගැනීමට තරග කිරීමට තිබූ අවස්ථාව අහිමිව ගියේය.ඒ අනුව දෙවන වටයේ තරග කාණ්ඩයේ පළමු ස්ථාන දෙක ලබා ඉදිරියට යාමට තිබූ අවස්ථාව පිලිපීනය ඉදිරියේ වට 2- 3 ක් ලෙස පරාජය වෙමින් ද,සිය සම්ප්‍රදායික සතුරාට එරෙහිව දක්වන සම්ප්‍රදායික බිය හේතුවෙන් ඉන්දියාව ඉදිරියේ වට 0 - 3ක් ලෙස අත් කර ගත් පරාජය නිසා ද ශ්‍රී ලංකාවට එම කාණ්ඩයේ පළමු ස්ථාන දෙක ඉන්දියාව සහ පිලිපීනය විසින් දිනා ගනු බලා සිටින්නට සිදු විය.
පිලීපීනයට එරෙහි තරගයේදී ශ්‍රී ලංකා කණ්ඩායමේ ප්‍රධානතම ප්‍රහාරිකාව වන ලීනා සදමාලි පරාජයෙන් සිය කණ්ඩායම වළක්වා ගැනීමට විශාල උත්සාහයක් දරා ඇති බව තරග දත්ත වලින් පැහැදිළි වන අතර එම තරගයද ඇතුළුව සියළු තරග වල දත්ත නිරීක්ෂනයේ දී සිය ප්‍රධාන ප්‍රහාරිකාව වැඩි පුර භාවිතා නොකිරීමට ශ්‍රී ලංකා කණ්ඩායම උත්සාහ දරා නැත.කණ්ඩයමේ නායිකාව වන ඉරේෂා පෙරේරා පන්දු සකසන්නිය ද වන බැවින් ලීනා සදමාලි වැඩිපුර යොදා නොගැනීමට හේතුව සහ එයින් ලබා ගැනීමට උත්සාහ කළ වාසිය පිළිබදව කණ්ඩායම් පුහුණුකරු ආනන්ද වන්නිතිලක ද සමග පිළිතුරු බැදිය යුතුව ඇත.මෙවැනි සිදුවීම් තරග සංචාරයකින් පසු වළලා දැමීමේ සාමාන්‍ය සම්ප්‍රදාය මේ තරගාවලිය හරහා හෝ අවසන් කරන්නට පියවර ගන්නේ නම් එහි යහපත් ප්‍රතිපල ශ්‍රී ලංකාවට දිනා ගැනීමට හැකි වෙනු ඇතැයි සිතිය හැකි අතර මේ තත්ත්වය වොලිබෝල් බලධාරීන්ට මේ වන විට තරගාවලිය ආශ්‍රිත විකිපීඩියා වෙබ් පිටුවේ සදහන් තොරතොරු හරහා ඉගියක් ලබා ගැනීම අපහසු නැත.
අද තරගාවලියේ ශ්‍රී ලංකාව අවසාන ස්ථාන හතරෙන් එකකට තේරී පත් වීම සදහා තරග වදින අතර එහිදී ශ්‍රී ලංකවේ ප්‍රතිවාදියා වන්නේ හොංකොං දේශයය.
www.supirikrida.com
No comments:
Post a Comment