පළමු ආසියාතික පාසල් මලල ක්‍රීඩා සූරතාවලියට සහභාගි වන ශ්‍රී ලංකා කණ්ඩායමේ මූලික අභිප්‍රාය පදක්කම් 10 ් බව පැවසූ අතර එය තරගාවලියේ දෙවන දිනයේදීම සාක්ෂාත් කර ගනිමින් එම ඉලක්කය ඉක්මවා දස්කම් දැක්වීමට ශ්‍රී ලංකා ක්‍රීඩක ක්‍රීඩිකාවන් සමත් වුණා.පළමු දිනයේදී පදක්කම් 5 ක් ව පැවති ශ්‍රී ලංකාවේ පදක්කම් සටහනට අද දිනයේදී තවත් පදක්කම් පහක් එක් වූ අතර ඒ අතරට රන් පදක්කමක් එක් කරමින් කණ්ඩායමේ නායකත්වයේ වගකීම ඉටු කළ හලාවත ආනන්ද විද්‍යාලයේ කේඒපී ජයවර්ධන අද දවසේ ශ්‍රී ලංකාව දිනූ රන් පදක්කමේ හිමිකරු බවට පත් වුණා.ඒ මීටර් 41.52 ක දක්ෂතාවයක් පෙන්වමින්.
ශ්‍රී ලංකාව මේ තරගාවලිය ආසන්නයේ දී සොයාගත් මීටර් 400 ඉසව්වේ අනාගත බලාපොරොත්තුව බවට පත් වී සිටින විනුර ලක්මාල් සිය පුරුදු ඉසව්ව වන තුන් පිම්ම ඉසව්වේ දී මීටර් 14.64 ක දක්ෂතාවයක් දක්වමින් තෙවන ස්ථානයට පත් වුණා.එසේම රත්නපුර සීවලි මධ්‍ය මහා විද්‍යාලයෙන් මෙම තරගාවලියට එක් වූ සමිත් ලක්මාල් මීටර් 200 ඉසව්වේ තෙවන ස්ථානය දිනා ගත්තේ තත්පර 22.00 ක දක්ෂතාවයක් දක්වමින්.පිරිමි මීටර් 800 ඉසව්වේදී කැළණිය ගුරුකුල විද්‍යාලය නියෝජනය කරමින් ශ්‍රී ලංකා කණ්ඩායමට එක් වූ බීඒ සදරුවන් එම ඉසව්වේ ලෝකඩ පදක්කම සදහා තෙවන ස්ථානයට තරගය නිම කළේ 1:55.24 ක කාලයක් වාර්තා කරමින්ය.
අද දවසේ ශ්‍රී ලංකාවේ පදක්කම් පැසට එක් රිදී පදක්කමක් ද එක් වූ අතර එම පදක්කම දිනා දීමට සමත් වූයේ ඒඑම්පීපී අබේරත්නය.ඊයේ පළමු රන් පදක්කම දිනා දුන් සමරවීර මෙන්ම ඇය ද වලල ඒ රත්නායක විද්‍යාලයේ ක්‍රිඩිකාවක්ය.ඇය මීටර් 800 ඉසව්වේ රිදී පදක්කම දිනා දෙමින් එම ඉසව්ව විනාඩි 2:12.12 කින් නිමා කළාය.
අද දවස ගෙවෙන විට ශ්‍රී ලංකාව පදක්කම් සටහනේ සිව්වන තැන සිටින අතර අද දිනය නිමා වන විට ද පදක්කම් සටහනේ පළමු තැන සත්කාරක මැලේසියාවට හිමි වී ඇත.අදද www.supirikrida.com හී සජීවි ප්‍රතිපල තොරතොරු දැක්වෙන අතර හෙට තරගාවලියේ තරග පැවත්වෙන තෙවන දිනය වන්නේය.ඡායාරූයේ දැක්වෙන්නේ ශ්‍රී ලංකාවට ලෝකඩ පදක්කමක් දිනා දීමට සමත් වූ සමිත් ලක්මාල් ය
No comments:
Post a Comment