ජාතික සූරතාවලියේ පළමු දිනයේදී දුලක්ෂි සියවාර්්තාව තව දුරටත් ඉදිරියට ගෙන යයි

ජාතික මලල ක්‍රීඩා සූරතාවලියේ පළමු දිනයේ එකම ජාතික වාර්තාව හිමිකර ගැනීමට හ්‍රී ලංකා ගුවන් හමුදාවේ එරංගා දුලක්ෂි සමත් වූවාය.අවස්ථා කිහිපයකදීම විවිධ හේතූන් නිසා සසල වූ 90 වැනි ජාතික මලල ක්‍රීඩා සූරතාවලිය ඊයේ (නොවැම්බර් 09) සිට නොවැම්බර් 11 වන දි දක්වා කො"ළඹ සුගතදාස ක්‍රීඩාංගණයේදී පැවත්වීමට නියමිතය.ගෙවුණු තායිලන්ත විවෘත තරගාවලියේද මීටර් 3000 බාධක දිවීම ඉසව්වේ ජයග්‍රාහිකාව වූ එරංගා දුලක්ෂි එහිදී මීටර් 1500 ඉසව්වේ රදී පදක්කමද දිනා ගත්තාය.එම තරගාවලිය නිමා වී ලංකාවට පැමිණ දින කිහිපයක් ඇතුළත යළිත් තමා සතුව තිබූ ජාතික වාර්තාව විනාඩි 10:11.72 දක්වා ඉදිරියට ගෙන ඒම විශේෂ සිද්ධීයකි.
ඊයේ පැවති සෙසු තරග වලදී කාන්තා දුර පැනීමේ තරගය ජය ගැනීමට එන්සීඩී ප්‍රියදර්ශණී සමත් වූවාය.කාන්තා කවපෙත්ත තරගය ජය ගත්තේ සොනාලි කුමාරී වීරසේකරය.තාරිකා කුමුදුමාලි ප්‍රනාන්දු කාන්තා යගුලිය වීසිකිරීමේ තරගය ජය ගත්තාය.සුජානි බුද්දිකා කගකට පසුව මීටර් 200 ඉසව්ව තත්පර 24 ට අඩුවෙන් ධාවනයේ යෙදෙමින් තත්පර 23.92 කාලයකින් ජය ගත්තාය.එසේම ජාතික උස පැනීමේ වාර්තාලාභිණිය වන ප්‍රියංගිකා මධුමන්ති සිය නම තවත් වාර්තාවකට දායක කර ගනිමින් මීටර් 1.81 ක උසක් තරණය කරමින් නව ක්‍රීඩා උළෙල වාර්තාවක් තැබීමට සමත් වූවාය.
මලල ක්‍රීඩා සංගමය විසින් නිකුත් කරන ලද නිල ප්‍රතිපල ලේඛණයට පහත සබදතාවය හරහා පිවිසිය හැකිය.
 https://docs.google.com/file/d/17DStq4y4hbSZSdbiV5vBvoTTBj7FQZ7hMnaCStcYetkCidR1KquCmE1SkKVC/edit
www.supirikrida.com