CSN නාලිකාවේ විකාශය වන තත්පරය සංවාදාත්මක වැඩ සටහනට සහභාගි වෙමින් ශ්‍රී ලංකා බැඩ්මින්ටන් සම්මේලන සභාපතිවරයා බැඩ්මින්ටන් පාසල පුද්ගලයෙකුට පැවරීම පරිපාලනය විසින් ගත් නිවැරදි තීන්දුවක් බවත්,එයින් ආදායමක් ලැබෙන බවත් පෙන්වා දෙමින් කළ ප්‍රකාශයේ සාවාද්‍යතාවය පසුගියදා බැඩ්මින්ටන් පරිපාලනයේ මහා සභා රැස්වීමේදී හෙළ වී ඇත.එහිදී එම අවස්ථාවට එක් වූ පිරිස් බැඩ්මින්ටන් පාසල පිළිබදව විමසීමේදී එයින් සම්මේලනයට ලැබිය යුතු රුපියල් 1,80,000 ක මුදලක හිගයක් පවතින බව හෙළි වී ඇත.එවැනි ගෙවීමක හිගයක් පවතිද්දී ද,එය නොතකා එම මුදල පියවිය යුතු පුද්ගලයාට සම්මේලනය විසින් ගෙවිය යුතුව ඇති මුදලින් හිග මුදල් අය කර ගැනීම වෙනුවට,අදාළ මුදල් ගෙවීම සිදු කර තිබෙන බව ද එහිදී අනාවරණය වී ඇත.එසේම ගිණුම් කටයුතු නිවැරදිව සදහන් කර ඉදිරිපත් නොකිරීම පිළීබදව ද,එහි දී පරිපාලනය ප්‍රශ්න කිරීම් වලට ලක් ව ඇති බව ද සුපිරික්‍රීඩා ආරංචි මාර්ග පැහැදිළි කරයි.
www.supirirkrida.com
No comments:
Post a Comment