තායිලන්තයේ පැවත්වෙන ආසියානු
ග්‍රොන්ප්‍රී තරගාවලියට සහභාගිවීම සදහා හය දෙනෙකුගෙන් යුත් ශ්‍රී ලංකා මලල ක්‍රීඩා
කණ්ඩායමක් අද උදෑසන තායිලන්තය බලා පිටත්ව ගියා.සුනිල් ගුණවර්ධන කණ්ඩායමේ පුහුණුකරු
සහ කළමණාකරු ලෙස කටයුතු කරන මෙම ක්‍රීඩක කණ්ඩායමට ෂෙහාන් අඹේපිටිය,ප්‍රසන්න
අමරසේකර,මංජුල කුමාර,වරුන ලක්ෂාන් දයාරත්න,චන්ද්‍රිකා සුභාෂණී ඇතුළත් වූ අතර ක්‍රිස්ටීන්
මෙරිල් ඇමෙරිකාවේ සිට පැමිණ මෙම කණ්ඩායමට එක්වීමට නියමිතයි.
තරගාවලියේ පළමු තරගය 8 වන
දා බැංකොක් හී පැවත්වෙන අතර දෙවැන්න 11 දා කාන්චන්බුරි හී පැවත්වෙන අතර
තෙවැන්න පැවත්වෙන්නේ 14 දා චොන්බුරි හී දී යි.තරගාවලියට සහභාගිවීමට පෙර
සුපිරික්‍රීඩා වෙත අදහස් දැක් වූ මෙම කණ්ඩායමේ සාමාජිකයෙකු වූ ෂෙහාන් අඹේපිටිය ප්‍රකාශ
කර සිටියේ ඔලිම්පික් තරගාවලියට සහභාගී වීම සදහා සුදුසුකම් ලබා ගැනීම සදහා මෙම
තරගාවලිය කණ්ඩායමේ සියළු දෙනාට ඉතා වැදගත් වනු ඇති බවයි. තමා ජැමෙයිකාවේ ලද
පුහුනුවත් සමග හොද ආත්ම විශ්වාසයකින් මෙම තරගාවලියට සහභාගිවන බව ප්‍රකාශ කළ
ෂෙහාන්,මෙම තරගාවලියේ දී කන්ඩායමේ පුහුණුකරු ලෙස තමන්ගේ දේශීය පුහුණුකරුවා වන සුනිල්
ගුණවර්ධන තමා සමග සිටීම ආශිර්වාදයක් බවත් නිරන්තරයෙන්ම සිය අනුග්‍රාහකයා ලෙස
‘මංචි’ ආයතනය තමා කොතැන සිටියත් පිටුපසින් සිට දක්වන ආදරණීය අනුග්‍රහය තමාට ඉතාමත්
වැදගත් බවත් ප්‍රකාශ කළේය.
www.supirikrida.com
www.supirikrida.com
No comments:
Post a Comment