දිමිත්‍රි සහ කැතරිනා පෙරමුණට

ඉතාලියේ පැවත්වෙන ‘මල්ටිස්ටාර්ස්’ මලල ක්‍රීඩා සූරතාවලියේ ප්‍රථම දිනය නිමා වන විට පිරිමි දශප්‍රයාම ඉසව්වෙන් කසකස්තානයේ දිමිත්‍රි කර්පොව් පෙරමුණ ගැනීමට සමත් වූ අතර කාන්තා අංශයේ දී තවමත් 18 හැවිරිදි වියේ පසුවන 2009 ලෝක යොවුන් සත්ප්‍රයාම සූරිය බ්‍රිතාන්‍යයේ කැතරිනා ජොන්සන් තොම්සන් පෙරමුණ ගෙන සිටියාය.

දිමිත්‍රි ලෝක මලල ක්‍රීඩා සූරතාවලියේදි මෙන්ම ඔලිම්පික් තරගාවලියේදී ද දශප්‍රයාම ඉසව්වේ ලෝකඩ පදක්කම්ලාභියා වන අතර ඔහු ඊයේ දිනය නිමා වන විට ඉකුත් වසරේ මෙම තරගාවලියේ ජයග්‍රාහකයා වූ ලුවිස් ඇල්බර්ටෝ ට වඩා ලකුණු 26 ක් ඉදිරියෙන් සිට ලකුණු 4253 ක් රැස් කර ගෙන සිටියි.කැතරිනා ලකුණු 3662 ක් ලබා ලකුණු 20 ක් ඉදිරියෙන් සිටින අතර ඇය ඊයේ  මීටර් 200 ඉසව්වේ තම හොදම  පෞද්ගලික දක්ෂතාවය දක්වමින් තත්පර 23.78 කින් තරගය නිම කිරීම කැපී පෙණින.
www.supirikrida.com