සත් වසරක කාලයක් ක්‍රිකට් විකාශය සදහා ටෙණ්ඩරයකින් තොරව TEN SPORTS වෙත විකාශන අයිතිය ලබාදීමට ක්‍රිකට් ආයතන ෂබාපති උපාලි ධර්මදාස කළ ඉල්ලීම ක්‍රීඩා අමාත්‍යවරයා විසින් ප්‍රතික්ෂේප කර ඇත.TEN SPORTS සහ ක්‍රිකට් ආයතනය සත් වසරක කාලයක් සදහා විකාශන අයිතිය සම්බන්ධයෙන් එකගතාවයකට පිවිස තිබෙන බව දන්වමින් එම කාල පරිච්ඡේදය සදහා විකාශන අයිතිය TEN SPORTS වෙත ලබා දීමට කටයුතු කරන ලෙස ක්‍රිකට් සභාපතිවරයා ක්‍රීඩා අමාත්‍යවරයාගෙන් කළ ඉල්ලීම මේ ආකාරයට ප්‍රතික්ෂේප කරන්නට යෙදුණ බව ක්‍රීඩා අමාත්‍යංශය අවධාරණය කරයි.එම ඉල්ලීම සම්බන්ධයෙන් තීරණයක් ගැනීමට අමාත්‍යවරයා නීතිපතිවරයාගෙන් උපදෙස් ලබා ඇති බව පවසන ක්‍රීඩා අමාත්‍යංශ ප්‍රකාශනය,එම උපදෙස් වලට අනුව යමින් විකාශන අයිතිය ටෙණ්ඩරය විනිවිද භාවයකින් යුත් ටෙණ්ඩර් කැදවීමකට අනුව සිදු කරන ලෙස ක්‍රිකට් ආයතනය දැනුවත් කිරීමට පියවර ගෙන ඇති බව ද අවධාරණය කරන්නේය.
www.supirikrida.com
No comments:
Post a Comment