දැයට කිරුළ ප්‍රදර්ශනයට සමගාමීව ශ්‍රී ලංකා වොලිබෝල් පාළක මණ්ඩලය,ක්‍රීඩා සංවර්ධන දෙපාර්තමේන්තුව සහ පාසල් වොලිබෝල් සංගමය,දැයට ප්‍රදර්ශන සංවිධාන කමිටුවේ අධීක්ෂණය යටතේ ශ්‍රී ලංකා රක්ෂණ සංස්ථාවේ සාදර අනුග්‍රහය යටතේ සංවිධානය කරන්නට යෙදෙන,ජාතික මට්ටමේ පිරිමි සහ බාලක වොලිබෝල් තරග මාලාවේ අවසාන පූරව තරග සදහා තරග වදින කණ්ඩායම් මේ වන විට තේරී පත් වී තිබෙනවා.රුවන්වැල්ල රාජසිංහ විද්‍යාලීය ක්‍රීඩා පිටියේ ඉකුත් 19 සහ 20 යන දෙදින තුළ ක්‍රියාත්මක වූ මෙම තරගාවලියේ විවෘත පිරිමි අංශයෙන් දෙබෑගම රන්තරු ක්‍රීඩා සමාජය,නාත්තණ්ඩිය යුනයිටඩ්,කටාන ඒකාබද්ධ සහ ආනමඩුව ක්‍රීඩා සමාජය අවසාන පූර්ව වටයට පිවිස සිටිති.පාසල් අංශයෙන් නාත්තණ්ඩිය ධම්මිස්සර,සීදුව දවිසමර , රුවන්වැල්ල රාජසිංහ සහ මීගමුව මාරිස්ටෙල්ලා කණ්ඩායම් අවසාන පූර්ව තරග වලට පිවිස සිටිති.මෙම කණ්ඩායම් අතර පවත්වන අවසාන තරග සහ අවසාන තරග අම්පාර දැයට කිරුළ ප්‍රදර්ශන භූමියේදී පැවත්වීමට නියමිතය.
www.supirikrida.com
No comments:
Post a Comment